Áıel eski áskerı polıgonnyń janynan tabyldy
13 mamyrda Panfılov aýdanynda úıinen shyǵyp ketken zeınetkerdi izdeý sharalary úsh kúnnen astam ýaqytqa sozyldy. Ábden qajyǵan 72 jastaǵy áıel óziniń týǵan Lesnovka aýylynan 15-20 shaqyrym jerde eski áskerı polıgonnyń janynan tabyldy, dep habarlaıdy Almaty-akshamy.kz.
Polıseıler qart áıeldi izdeý jumystaryna týystarynan bólek eriktilerdi, shekarashylardy jáne jergilikti halyqty - barlyǵy 100-ge jýyq adamdy tartty.
"İzdestirý tobynyń biri qalyń toǵaı arasynan ájeıdiń oramalyn taýyp, izdeý baǵytyn anyqtaı aldy. Jalǵyz ózi júrgen áıeldi jergilikti shopandar baıqap, onyń izine túsip kele jatqan izdeýshilerge habarlaǵan. Tamaq pen sýsyz ol qatty álsirep qalǵan", - delingen polısıa habarlamasynda.
Medısınalyq kómek kórsetilgennen keıin týystary ony úıine alyp ketkeni de naqtylanady.