Tabıǵattyń bul qubylysy qaıran qaldyrdy.
Bıyl mundaı jaǵdaı elimizdiń ár aımaǵynda qaıtalanyp tur, qys kelgenine qaramastan, Almaty oblysynyń taýlarynda da kóktemde, jazda ósetin ósimdikter gúldeı bastady, dep habarlaıdy Almaty-akshamy.kz
İle-Alataý ulttyq parkiniń mamandary bul qubylysqa birqatar faktorlar áser etip otyrǵanyn aıtty.
Mamandar Jer planetasy tarıhtaǵy eń ystyq jazdy bıyl, ıaǵnı 2023 jyly ótkergenin eske salyp ótti.
"Uzaq merzimdi klımattyq tendensıalar, jahandyq klımattyń ózgerýi maýsymdyq aýa raıyna, sonyń ishinde jaýyn-shashyn men temperatýra rejımine áser etip, qardyń túsýin keshiktiredi", – delingen habarlamada.
Fotograf Dmıtrıı Dosenko jeltoqsannyń 4-kúni Almaty shatqaldarynyń birinde Alataý báısheshegin keziktirip, sýretke túsirip alǵan.
"Bul qubylysqa kóz jetkizý maqsatynda ǵylymı bólim mamandary Alataý báısheshegi shyǵatyn orynǵa baryp, tek báısheshektiń emes, ózge de gúl túrleriniń "oıanyp" jatqan sátine kýá bolyp qaıtty" delingen, İle-Alataý ulttyq parki taratqan aqparatta.
Mamandar jeltoqsandaǵy sapar barysynda taý betkeıinde ósip turǵan aıdarshóp (lat. Corýdalis), botakóz (lat. Myosotis), kókshytyrsha (lat. Berteroa incana) sıaqty mamyr-maýsym aılarynda shyǵatyn gúlderdiń jaıqalyp óskeni óte sırek qubylys ekenin atap ótti.