Kınofestıval 6-10 qyrkúıek aralyǵynda ótedi.
Festıvál baǵdarlamasy qyzyqty sharalarǵa toly - kıno kórsetilimdermen qatar, jeke anımasıalyq kınofestıval, sheberhanalar, vorkshoptar, tanymal rejıserler men akterlerdiń dáristeri, sondaı-aq kınoındýstrıanyń ózekti máseleleri boıynsha dóńgelek ústelder ótedi, dep habarlaıdy Almaty-akshamy.kz
Festıváldiń basty oqıǵalarynyń biri TMD elderiniń kınotanýshylary men synshylarynyń II forýmyn ótkizý bolmaq, onyń jumysyna 30-dan astam sheteldik mamandar qatysady. Forým baǵdarlamasynda - "Kınotanýdaǵy zamanaýı úrdister men syn-qaterler: zertteýler, taldaý jáne perspektıvalar" taqyrybyndaǵy paneldik sesıa, jetekshi kınotanýshylardyń avtorlyq dáristeri men sheberlik synyptary, fılmderdi kórý jáne olardy talqylaý. Forým sońynda kınotanýshylar men synshylardyń pikirinshe festıváldiń eń úzdik fılmi de tańdalady.
Forýmǵa Armenıa, Estonıa, Belarýs, Reseı, Ózbekstan, Ázirbaıjan jáne basqa da kóptegen elderdiń sarapshylary keledi. Olardyń ishinde:
- FIPRESSI jáne NETPAK múshesi, kóptegen halyqaralyq kınofestıvalderdiń baǵdarlamalyq dırektory jáne keńesshisi bolyp tabylatyn Qyrǵyzstannyń eńbek sińirgen mádenıet qaıratkeri Gýlbara TOLOMÝSHOVA bar. Ol 2018 jyly BAIQONYR kınofestıvaliniń qazylar alqasyn basqarǵan;
- Tashkent VGIK dırektory, Ózbekstan kınematografıa agenttiginiń kórkemdik keńesiniń múshesi Eldar IýLDASHEV;
- "Máskeý premerasy" Halyqaralyq kınofestıvaliniń baǵdarlamalyq dırektory jáne "Dostastyq" halyqaralyq kınomektebiniń kýratory (Tbılısı – Batýmı), FIPRESSI múshesi Evgenıı MEIZEL;
- "Órik aǵashy" halyqaralyq derekti fılmder festıvaliniń baǵdarlamalyq dırektory (Armenıa Respýblıkasy) Artýr VARDIKÁN;
- Tallın DocPoint derekti fılmder festıvaliniń uıymdastyrýshysy Trıstan PRIIMÁGI;
- Belarýs Ulttyq Ǵylym akademıasynyń Belarýs mádenıetin, tilin jáne ádebıetin zertteý ortalyǵynyń ekrandyq óner bóliminiń aǵa ǵylymı qyzmetkeri Marına BELOOKAIa;
- "Máskeý premerasy" HKF kórkemdik jetekshisi jáne bas prodúseri Vácheslav SHMYROV;
- "Kıno ýaqyty" kınojobalaryn qoldaý jáne kıno is-sharalaryn uıymdastyrý dıreksıasy janyndaǵy kınobaǵdarlamalardyń kýratory jáne kıno is-sharalarynyń turaqty spıkeri (Tatarstan Respýblıkasy) Adılá HAIBÝLLINA;
- ónertaný doktory, Ózbekstan Respýblıkasy Ǵylym Akademıasynyń ónertaný ınstıtýtynyń "Kıno jáne teledıdar " bóliminiń meńgerýshisi Nıgora KARIMOVA;
- "Nıka" Reseı kıno óneri akademıasynyń akademıgi, Cheboksar Halyqaralyq kınofestıvaliniń baǵdarlamalyq dırektory jáne kórkemdik jetekshisi Sergeı LAVRENTEV jáne taǵy basqalar bar.
Forýmnyń tóraǵasy – kınotanýshy, BAIQONYR kınofestıvaliniń baǵdarlamalyq dırektory Erjan JUMABEKOV.
Esterińizge sala ketsek, BAIQONYR halyqaralyq kınofestıvali TMD-ǵa qatysýshy memleketterdiń Memleketaralyq gýmanıtarlyq yntymaqtastyq qorynyń qoldaýymen ótedi.
Festıvál jańalyqtaryn baiqonyr.kz saıtynan jáne bizdiń Instagram jáne Facebook paraqshalarymyzdan – baiqonyrfilmfestival qaraı alasyzdar (Forým jańalyqtary - film_critics_forum ınstagram paraqshasynda).