Astanada halyqaralyq «Qazaq tili» qoǵamynyń kezekten tys quryltaıy ótip jatyr.
Quryltaı barysynda uıymnyń prezıdenti Berik Ábidǵalıuly óziniń memlekettik qyzmetke aýysýyna baılanysty ornyna basqa adamdy usynatynyn aıtty, dep habarlaıdy Almaty-akshamy.kz QazAqparatqa silteme jasap.
Osylaısha qoǵamnyń prezıdenttigine Bilim Media Group kompanıasynyń basshysy, «Ulttyq aýdarma búrosy» qoǵamdyq qorynyń dırektory Raýan Kenjehanulynyń kandıdatýrasy usynyldy.
Quryltaıǵa respýblıkanyń ár túkpirinen jınalǵan delegattar ashyq daýys berdi.
Sonyń nátıjesinde Raýan Kenjehanuly halyqaralyq «Qazaq tili» qoǵamynyń prezıdenti bolyp saılandy.