Qala ekonomıkasy basqarmasynyń málimetinshe, atalǵan kórsetkish boıynsha Almaty qalasy elimizde kósh bastap tur. 2023 jyldyń tamyzynda iskerlik belsendilik ındeksi 55,2% boldy, dep habarlaıdy almaty-akshamy.kz
2023 jyldyń basynan megapolıstiń barlyq aýdanynda oń dınamıka baıqalady. Jalpy belsendi jumys isteıtin shaǵyn jáne orta kásipkerlik sýbektileriniń sany 15,5%-ǵa ósti.
Shaǵyn jáne orta kásipkerlik sýbektilerinde jumyspen qamtylǵandar sany bıyl 1 toqsanynda 21%-ǵa, ıaǵnı 871,9 myń adamǵa deıin ósti. Shaǵyn jáne orta kásipkerlik sýbektileri osy jyldyń 1 toqsanynda 14,1% ósimmen ónim shyǵardy, bul 3 884,7 mlrd teńge. Jetisý aýdanynda ónim shyǵarý 6,3% tómendegen, al barlyq basqa aýdanda ósim baıqalady», - dep habarlady kásipkerlik jáne ınvestısıalar basqarmasy.
Shaǵyn bıznes qyzmetin jandandyrý úshin Almaty Business aıasynda basym salalardy qoldaýdyń jańa quraldary ázirlendi.
2023 jyly SHOB-tyń JÓÓ-ge salymyn 60%-ǵa deıin artady dep boljanyp otyr. Byltyr bul kórsetkish 57,8% boldy, dep qorytyndylady qalalyq ákimdik ókili.