Almaty ákimdigi úı janyndaǵy azyq-túlik dúkenderiniń áleýmettik mańyzy bar azyq-túlik taýarlaryna baǵany negizsiz kóterýine monıtorıń júrgize bastaıdy
Almaty ákimi Baqytjan Saǵyntaev Memleket basshysynyń zardap shekken bıznesti qalpyna keltirý jáne qalany odan ári damytý týraly tapsyrmalaryn oryndaý boıynsha qala aktıvine tıisti málimdeme jasady, dep habarlaıdy Almaty-akshamy.kz
«Ókinishke oraı, úıdiń janyndaǵy dúkenderdiń baǵany negizsiz kóterý faktileri bar, bul týraly aqparat kelip túsedi. Mundaı kezeńde alypsatarlyqpen aınalysý óte orynsyz dep sanaımyn. Osyǵan baılanysty ózimniń orynbasarym M.S. Qıqymovqa, kásipkerlik basqarmasyna, aýdan ákimderine 15%-dan aspaıtyn saýda ústemesin saqtaý boıynsha quqyq buzýshylardy anyqtap, olardyń derekterin sharalar qabyldaý úshin quzyretti organdarǵa jiberýdi tapsyramyn. Josyqsyz kásipkerlerge qatysty qatań sharalar qabyldap, kún saıyn osy monıtorıńti júrgizý qajet», - dep habarlady Baqytjan Saǵyntaev.
Qazirgi ýaqytta Almaty qalasynda 3,5 myńǵa jýyq dúken jumys isteıdi. Ótken aptadan bastap «Almaty» ÁKK» AQ ÁMAT-ty úı janyndaǵy dúkenderge tikeleı jetkizý boıynsha jumysty bastady. Óndirýshilerden tikeleı 67 tonna ónim (nan, jumyrtqa, bakaleıa, kúrish, qant jáne kúnbaǵys maıyn qosa alǵanda) jetkizildi. Kóterme jetkizilimge tapsyrystar jedel jeli telefony boıynsha qabyldanady: +7 707 787 95 35.
Sonymen qatar, qazirgi ýaqytta Almaty ındýstrıalyq aımaǵynyń aýmaǵynda óndirýshiler men bólshek saýda arasyndaǵy baılanystardy qysqartý úshin qajetti ınfraqurylym qurýǵa múmkindik beretin taratý ortalyǵynyń qurylysyn jobalaý júrgizilýde. Aǵymdaǵy jyly JSQ ázirleýdi aıaqtaý jáne taratý ortalyǵynyń qurylys-montajdaý jumystaryn bastaý josparlanýda.
Áleýmettik mańyzy bar azyq-túlik taýarlarynyń baǵasyn turaqtandyrý sheńberinde Almaty qalasynyń kásipkerlik jáne ınvestısıalar Basqarmasy saýda jelilerine «aınalym» jeńildikti qaryzdaryn bólý boıynsha jumys júrgizýde. Bólingen qarajat esebinen «Magným» jelisinde ÁMAT-tyń barlyq 19 ataýy tómendetilgen baǵamen jáne «Toımart» jelisinde 12 ÁMAT (un, nan, rojkı, kúrish, taýyq eti, aıran, súzbe, sary maı, tuz, kúnbaǵys maıy, kartop, pıaz) satylýda. Ortasha alǵanda, eki jelide kókónisterdiń (kartop, sábiz, pıaz, qyryqqabat) baǵasy naryqtyq baǵadan 30-50%-ǵa tómen, et ónimderi (sıyr eti, taýyq eti, jumyrtqa) 10-15%-ǵa, azyq-túlik 10-30%-ǵa tómen.
«Almatynan» JSHS-men nannyń bosatý baǵasyn 85 tg/bólke deńgeıinde belgileý, 1,8 myń tonna kúnbaǵys maıyn 585 tg/shólmekke jáne 700 tonna qaraqumyq jarmasyn 500 tg/kg («Standart Prodakts» JSHS) qalanyń saýda jelilerine jetkizý boıynsha memorandýmdar jasaldy.
7 azyq-túlik bazarynda (Kók bazar, «Aqbulaq» (kóterme saýda), «Sary-Arqa», «Tastaq», «Taýsamaly», «Almaty-1», «Túrksib» jármeńkesi) kókónis jáne bakaleıa ónimderi bazar baǵasynan 1,5-2 ese tómen baǵamen satylady. «Et dúkenderi» 5 bazarda iske qosyldy («Juldyz», «Orbıta», «Taýsamaly», «Arystan» jáne «Tastaq»), onda sıyr eti 2050 tg/kg (naryqtyq baǵadan 20% tómen) satylady. Pavlodar (barlyǵy 6,5 myń tonna kartop pen sábiz), Almaty (250 tonna qyryqqabat) jáne Jambyl oblystarynan (1,5 myń tonna pıaz) kókónisterdi tikeleı jetkizý uıymdastyryldy.