Jolaýshylarǵa qolaıly jaǵdaı: Almatyda avtobýs baǵyty jol júrý ýaqytyn qysqartý maqsatynda ekige bólindi
Qalalyq mobıldilik basqarmasy Túrksib aýdanynyń Aısha bıbi shaǵyn aýdany men Yntymaq aýylynyń turǵyndary úshin jol júrý ýaqytyn qysqartý maqsatynda №215 avtobýs marshrýtyn eki baǵytqa bólý týraly sheshim qabyldady.
Baǵyttar bylaı bólindi:
№93: «Adem» SÚ» – Aısha bıbi sh/a.» baǵyty. Kúndelikti 12 avtobýs shyǵady, josparly aralyq – 14 mınýt. Qyzmet kórsetý «Dýman Trans Som 2019» JSHS berilgen.
№215: «Almaty-1» T/J vokzaly – Yntymaq aýyly» baǵyty. Kúndelikti 12 avtobýs shyǵady, josparly aralyq – 11 mınýt. Qyzmet kórsetý «Oljas LTD» JSHS berilgen.
Esterińizge sala keteıik, bıyl megapolıs basshysy Erbolat Dosaevtyń tapsyrmasymen ákimdik 600 avtobýs, 112 troleıbýs jáne 100 elektroavtobýs satyp alǵan bolatyn. Jyl basynan beri QMB 18 qala mańyndaǵy jáne 3 qalalyq marshrýt uıymdastyrdy.