"Dıkıı Arman" isi boıynsha úkim qańtardyń basynda shyǵýy múmkin
Arman Jumageldıevke (Dıkıı Arman) qatysty sot isi aıaqtalýǵa jaqyn. Bul týraly onyń advokaty Oleg Chernov málimdedi, - dep habarlaıdy aqshamnews.kz
"Arman Jumageldıev isi boıynsha sot tergeýi aıaqtaldy. Qazir prokýror aıyptaýshy tarap retinde sóılep jatyr. Aıyptalýshylar úshin úlken merzimder suralýda. Jeltoqsannyń sońyna deıin prosesti aıaqtap, qańtardyń basynda úkim jarıalanady dep oılaımyn", – dedi advokat.
Krımınaldyq avtorıtet retinde tanylǵan Arman Jumageldıevtiń isi sotqa ótken jyldan beri qaralyp jatyr. Sottalýshylar qatarynda burynǵy Almaty máslıhatynyń depýtaty Qaırat Qudaıbergen de bar.
Jumageldıevke Qańtar oqıǵasy kezinde jappaı tártipsizdikterdi uıymdastyrý, oǵan qatysý, atys qarýyn urlaý jáne zańsyz bas bostandyǵynan aıyrý aıyptary taǵylǵan. Al Qudaıbergen, tergeý nusqasy boıynsha, "Dıkıı Armanǵa" qosylýǵa belsendi túrde shaqyrǵan.