Almatyda 14 naýryzdan bastap № 126 baǵytta «Qaıyrbekov/Jibek joly – Dıspecherlik pýnkt» boıygsha júretin avtobýstar jańartylyp, jyljymaly birlikter sany artty.
Máselen, júıelilikti qamtamasyz etý jáne josparlanǵan ıntervaldy 20 mınýttan 6 mınýtqa deıin qysqartý maqsatynda qalalyq mobıldilik basqarmasy 8 avtobýstyń ornyna 25 avtobýs shyǵarý týraly sheshim qabyldady, dep habarlaıdy Almaty-akshamy.kz.
Golden Dragon markaly 12 metrlik jańa avtobýstar zamanaýı qurylǵylarmen jabdyqtalǵan, onyń ishinde kondısıoner, beınebaqylaý júıeleri jáne telefondardy zarádtaýǵa arnalǵan USB qosqyshta bar. Sonymen qatar, salon aldaǵy jáne kelesi aıaldamalardy kórsetetin aqparattyq dıspleımen jabdyqtalǵan.
Bul rette bosatylǵan avtobýstar basqa baǵyttardy kúsheıtýge jáne «AlmatyElektroTrans» avtoparkiniń rezervtik quramyna jiberiledi.
Eske salsaq, ótken jyly megapolıs basshysy Erbolat Dosaevtyń tapsyrmasy boıynsha ákimdik 600 avtobýs pen 100 troleıbýs satyp alyp, 22 jańa baǵytty, onyń ishinde 10 qala mańyndaǵy baǵytty uıymdastyryp, 50-ge jýyq eldi mekendi kólikpen qamtyǵan edi. Bıyl taǵy 600 avtobýs, 100 troleıbýs jáne 100 elektroavtobýs satyp alý josparlanýda.