Keshe Almaty qalasynda qoǵamdyq kólikte oryn alǵan oqıǵa qoǵamdy dúrliktirdi. Avtobýsta áıelge qatysty bolǵan vıdeosy áleýmettik jelilerde keńinen taraldy. 66 jastaǵy er adam áıeldiń telefonmen qatty sóılegenine ashýlanyp, ony uryp-soqqan, dep habarlaıdy aqshamnews.kz
Oqıǵa Almaty qalasynyń qoǵamdyq kólikteriniń birinde bolǵan. Er adam áıeldiń telefonmen qatty sóılep turǵanyn estip, oǵan narazylyq bildirip, sózben túsindirýge tyrysqan. Alaıda ol áıeldiń qatty sóılegenine tóze almaı, kúsh qoldanǵan. Bul jaǵdaı qoǵamdyq kólikke mingen basqa jolaýshylardyń kóz aldynda bolǵandyqtan, oqıǵa birden nazarǵa ilikti.
Bul jaıt boıynsha quqyq qorǵaý organdary jedel áreket etip, 66 jastaǵy er adamdy ustap, ýaqytsha ustaý ızolátoryna qamady. Almaty qalasy Almaly aýdany ishki ister bólimi bastyǵynyń orynbasary Batýrjan Abdýmasarov málimdegendeı, kúdiktige qatysty qylmystyq is qozǵalyp, tergeý jumystary bastaldy. Buzaqylyq áreket jasaǵan azamat jaýapqa tartylady.