Táýelsizdik merekesi qarsańynda «Almaty Resort» shıpajaıynyń basshylyǵy men qyzmetkerleri soǵys ardagerlerine arnaıy baryp, olardyń erlikterin eske alyp, qurmet kórsetti, dep habarlaıdy aqshamnews.kz
Balyqbaı Ysqaq – 100 jasqa tolǵan ardager. Kegen aýdanynyń týmasy, 115-shi atqyshtar dıvızıasynyń quramynda Eýropany azat etýge qatysyp, Jeńis kúnin Avstrıada qarsy alǵan. Soǵystan keıin Qıyr Shyǵysta qyzmet atqaryp, quqyq qorǵaý salasynda uzaq jyldar eńbek etti. Erligi úshin III dárejeli Dańq ordenimen jáne basqa da nagradalarmen marapattalǵan. Ardagerdiń urpaqtary onyń batyrlyq jolyn maqtan tutady.
Lúbov Nıkolaevna Gorkovskaıa – 1925 jyly Lýgansk oblysynda dúnıege kelgen. Soǵys jyldary birinshi Ýkraına maıdanynda baılanysshy bolyp, Sevastopoldi, Belarýssıany jáne Baltyq jaǵalaýyn azat etýge qatysqan. Soǵystan keıin "Qazaqfılm" kınostýdıasynda eńbek etip, eki bala tárbıeledi. Soǵys jyldaryndaǵy erligi úshin alǵan marapattary onyń batyldyǵynyń kýási.
Anatolıı Nazaruly Popov, Qaskeleńniń 98 jastaǵy turǵyny, 2-shi Baltyq maıdanynda baılanysshy bolyp qyzmet etti. Soǵystan keıin medısınalyq ýchılısheni bitirip, 30 jyldan astam ýaqyt densaýlyq saqtaý salasyna úles qosty. Balalary men nemereleriniń ortasynda júrgen ardager jastarǵa óz erlikterin úlgi etedi.
Ivan Matveevıch Begýnov – 99 jastaǵy qarapaıym ári batyr ardager. Jıtomırde dúnıege kelgen, 228-shi gvardıalyq atqyshtar polkiniń pýlemetshisi retinde Eýropany azat etýge qatysqan. Qyzyl Tý ordeni men «Erligi úshin» medaliniń ıegeri. Qazir úlken áýletiniń ortasynda qurmetke bólenýde.
«Almaty Resort» ujymy ardagerlerge qurmet retinde syı-sıapat tabystap, zor densaýlyq pen uzaq ǵumyr tiledi.
"Jarqyn bolashaq qurý úshin ótkendi este saqtaý kerek! Beıbit ómir úshin kúresken batyrlarǵa bas ıemiz", – dep atap ótti shıpajaı dırektorynyń orynbasary Saltanat Beısembaeva. Ol mundaı kezdesýlerdiń ardagerlerdiń ózderin qurmet pen qamqorlyqta sezinýi úshin turaqty túrde uıymdastyrylatynyn jetkizdi.