2023 jylǵy 27-28 sáýirde Almaty qalasynda «Qazaqstannyń avıasıalyq ákimshiligi» AQ Azamattyq avıasıa komıtetiniń qatysýymen «Avıasıalyq qaýipsizdik jónindegi úılestirý tobynyń birinshi otyrysyn» ótkizedi.
Bul týraly «Qazaqstannyń avıasıalyq ákimshiligi» AQ-nyń baspasóz qyzmeti habarlady.
İs-sharaǵa Ázirbaıjan, Grýzıa, Qyrǵyzstan, Ózbekstan jáne Tájikstan qatysýshy memleketterdiń avıasıalyq bılik oryndarynyń basshylyǵy qatysady.
Otyrysta QR IIDM Azamattyq avıasıa komıtetiniń tóraǵasy – Talǵat Lastaev, Qazaqstannyń avıasıalyq ákimshiliginiń bas dırektory – Katalın Radý, qatysýshy elderdiń ókilderi jáne halyqaralyq avıasıa sarapshylary sóz sóıleıdi.
Azamattyq avıasıada qaýipsizdikti qamtamasyz etý úshin qajetti aqparatpen jedel almasý máseleleri qaralatyn bolady. Úılestirý tobyna múshe memleketterdiń ortaq artyqshylyqtaryna qol jetkizýge baǵyttalǵan, onyń ishinde IKAO standarttary men usynylatyn praktıkasyn tıimdi jáne ýaqtyly engizý jónindegi biryńǵaı saıasatty ázirleý.
Ótetin orny: "Azamattyq avıasıa akademıasy" AQ Avıasıalyq qaýipsizdik jónindegi IKAO oqý ortalyǵy, Almaty q., Ahmetov kóshesi, 44