Bir ǵana Almatyda 30 iri-iri volonterlik uıym jumys isteıdi. Óńirlik komýnıkasıalar qyzmeti alańynda volonterlik qozǵalystar qandaı jobalardy júzege asyryp jatqanyn, josparlary men jastardy qoǵamdyq belsendilikke tartý týraly Almaty qalasy Jastar saıasaty basqarmasy basshysynyń orynbasary Ázız Qajdenbek pen Almaty qalasy boıynsha volonterlar front-ofısi «QAMQOR CHARITY» qoǵamdyq qorynyń tóraıymy Baǵdat Anarbaevalar baıandap berdi,-dep habarlaıdy Almaty-akshamy.kz.
Birqatar iri volonterlik qozǵalystardyń qataryna OF «Lıga volonterov Kazahstana», OF «QAMQOR CHARITY», «LIDER.kz», «Klýb dobrákov Almaty», «Komanda SOS», ROO «Medısınskaıa molodej» («Qazaqstan Eriktiler Lıgasy» QQ, «QAMQOR CHARITY» QQ, «LIDER.kz», «Almaty qalasynyń meıirimdiler klýby», «SOS komandasy», «Medısınalyq jastar») qoǵamdyq uıymy jáne t.b. Uıymdardyń derekter bazasynda 50 myńnan astam volonteri bar.
«Bizdiń qalada Depo Evolution Park ortalyǵy bar – bul jastardyń jınalatyn jeri. Bizdiń volonterlik keńse osy ortalyqta ornalasqan. Volonterlik front-ofıstiń basty maqsaty – túrli uıymdardy biriktirip, jobalardy birlesip júzege asyrý», – dedi A.Qajdenbek.
Volonterlerdiń front-ofısi volonterlar men volonterlik uıymdarǵa keńes berý jáne qoldaý kórsetý qyzmetin atqarady, onyń jumysy memlekettik áleýmettik tapsyrys sheńberinde júzege asyrylady.
«Front-ofıstiń jumysy jastardyń qalanyń áleýmettik-ekonomıkalyq, áleýmettik, sporttyq ómirine belsene qatysýyn arttyrýǵa baǵyttalǵan, volonterlik qyzmetke tartylǵan azamattardyń úlesin arttyrýǵa, olardyń memlekettik organdarmen ózara árekettesý tetikterin jetildirýge baǵyttalǵan, memlekettik mekemeler men azamattardy halyqtyń áleýmettik mańyzdy máselelerin sheshýge qatysýǵa tartý», - dedi B.Anarbaeva.
Sonymen qatar, qalalyq eriktiler túrli jobalardy uıymdastyryp, ótkizedi. Máselen, «Narkostop» jobasy aıasynda almatylyq jastar tyıym salynǵan zattardyń jarnamasyn boıaý boıynsha turaqty jumys júrgizilgen. Eriktiler qart adamdarǵa kómek berip, jalǵyzbasty zeınetkerlerdiń bos ýaqytyn qyzyqty ótkizýdi uıymdastyrǵan. Bul úshin apta saıyn 50 volonter tartylǵan. Sonymen qatar, jyl basynan beri túrli pansıonattar men áleýmettik ortalyqtarda 30-dan astam keńestik kıno keshteri uıymdastyrylǵan.
«Sabaqtastyq» baǵyty aıasynda 27 is-shara ótkizilipti. Atap aıtqanda, túrli sheberlik synyptary men kásiptik baǵdar berý, qustarǵa jem salatyn jáshik buıymdar jasaý, qolóner jáne orıgamı, mánerlep syrǵanaý, «Januıa» balalar úıiniń tárbıelenýshilerimen VR ortalyǵyna saıahat, «Balalar aýyly», «SOS», «Jastar úıi». Bul atalǵan is-sharalarǵa 80-nen astam eriktiler men 200 bala qatystyrylǵan.
Sonymen qatar, eriktiler iz-tússiz joǵalǵandardy izdeýge belsendi atsalysqan. Jyl basynan beri 30 adamnan turatyn erikti jasaq 69 adamdy tabypýyna múmkindik jasaǵan. Aıta ketreligi jyl basynan beri barlyǵy 649 izdeý, suraýlar kelip túsken.
Álemde bolyp jatqan jaǵdaılarda eriktilerdi beı-jaı qaldyrmaǵan. Qala eriktileri Túrkıadaǵy jer silkinisinen zardap shekkenderge gýmanıtarlyq kómek kórsetý jumystaryn da belsene aralasyp, 51,5 tonnadan astam gýmanıtarlyq kómek jınap, jóneltken.
Sonymen qatar, zardap shekkender men qanǵa muqtaj jandarǵa kómek kórsetý maqsatynda osy jyldyń naýryz aıynda «Men jaýapty donormyn» atty qan tapsyrý naýqany uıymdastyryldy. Aksıaǵa Almaty qalasynyń jastary, sondaı-aq túrli qoǵamdyq jáne qaıyrymdylyq uıymdarynyń ókilderi, jýrnalıser men qoǵam belsendileri qatysqan. Jastar resýrstyq ortalyǵynda donorlardy «Birgemiz:Saulyq» medısınalyq eriktileri men «QAMQOR CHARITY» QQ eriktileri qarsy alyp, qoldaý kórsetti.
Jastar saıasaty basqarmasy eriktilermen birlesip, «Jasyl el» jobasyn júzege asyrýdy josparlap otyr. Shara aıasynda 10 myń qala jastaryn jumyspen qamtý kózdelýde.