«Qarǵaly» ózeninde sý jınaý qurylysyn salý josparlanýda. Birinshi kezekte sý daıyndaý stansıasynyń qurylysy bastaldy.
Sý qoryn saqtaý úshin kólemi 4000 m3 bolatyn eki rezervýar, kóldeneń tundyrǵysh, baqylaý-ótkizý pýnkti bar qyzmettik blok, kireberis jol jáne alańishilik ınjenerlik jeliler salý boıynsha qurylys jumystary júrgizilýde. Sý jınaý qurylysynyń qoldanystaǵy ónimdiligi táýligine 5440 m3 quraıdy. Jobaǵa sáıkes bul kórsetkishti 2,75 esege, ıaǵnı táýligine 15000 m3-ge deıin ulǵaıtý josparlanýda, dep habarlaıdy Almaty-akshamy.kz
Sonymen qatar, aǵymdaǵy jyldyń qyrkúıek aıynda Nurly kóshesindegi buzylǵan jol ýchaskesiniń Sábdenovten Raıymbek dańǵylyna deıingi qurylysy aıaqtalatyn bolady. Kósheniń jalpy uzyndyǵy 2 shaqyrym, qazirgi ýaqytta jaıaý júrginshiler trotýarlary men velojol salý jumystary júrgizilýde.
Atalǵan jobany iske asyrý Naýryzbaı aýdanynyń kóshe-jol jelisiniń keptelis deńgeıin tómendetýge, qalanyń ınfraqurylymyn jáne kólik ınfraqurylymyn belsendi damytýǵa, sondaı-aq Almaty qalasynyń avtojoldarynyń keptelis máselesin sheshýge múmkindik beredi.
Sonymen birge, «Jaılaý» shaǵynaýdanynda káriz jelilerin tóseý boıynsha júrgizilgen jumystardan keıin «Suńqar» JSHS merdigerlik uıymynyń kúshimen Redko kóshesindegi asfált jabynyn qalpyna keltirý jumystary bastaldy.