Jalpy, bıyl karantındi buzǵandarǵa qatysty 4409 hattama toltyryldy. Onyń ishinde 402 hattama zańdy tulǵalarǵa, 4007-si jeke tulǵaǵa arnaldy.
Almatynyń mobıldi toptary kúsheıtilgen rejımde jumysyn jalǵastyrýda. Maýsymnyń 1-nen 2-ne qaraǵan túni belgilengen shekteýlerdi buzǵan 4 jaǵdaı anyqtaldy. Monıtorıńtik top ókilderi "Tabys" kafesi men "Cinema Oskar" karaokesinde oryn alǵan zań buzýshylyqtar týraly aıtty, dep habarlady Almaty-akkshamy.kz.
Aıta ketsek, ońtústik astanada zań buzýshylyqtardy anyqtaý úshin kún saıyn 40 monıtorıńtik top sanıtarlyq jáne karantın normalarynyń saqtalýyn tekseredi.
Áýezov aýdanynyń monıtorıńtik tobynyń ókilderi túngi saǵat 02.00-de jumys istep turǵan Aqsaı-4 yqshamaýdanyndaǵy "Sinema Oskar"-daǵy jaǵdaıdy málimdedi.
Olardyń aıtýynsha, atalǵan karaoke mekemesi zańdy birneshe ret buzǵan. Buǵan deıin zaldaǵy adam sanynyń kóptigi men maska taǵylmaǵany úshin aıyppul tólegen. Endi jumys rejımin buzǵany úshin ákimshilik jaýapkershilikke tartylady. Bul rette atalǵan nysanǵa Ashyq jobasy boıynsha jumysqa ruqsat berildi. Alaıda, ákimshilik qosymshanyń múmkindikterin paıdalanbaıdy. Sondyqtan bul mekemeni joba aıasynda jumys isteý quqyǵynan aıyrý týraly másele kóterildi.
Sol túni karaokede barlyǵy 20-ǵa jýyq adam boldy. Olardyń árqaısysymen túsindirme jumystary júrgizildi.
Sol túni Alataý aýdanynyń baqylaý toby "Tabys" kafesinde betperdesiz júrgen qyzmetkerlerdi anyqtady.
Jyl basynan beri tekserýshiler 23 myńnan astam nysandy tekserdi. Onda 2200-den astam karantın sharalaryn buzǵan jaǵdaılar anyqtaldy. Qasaqana buzýshylarǵa qatysty 74 materıal sotqa joldansa, onyń 54-i boıynsha qyzmetti toqtata turý týraly sheshim qabyldandy.
Jalpy, bıyl karantındi buzǵandarǵa qatysty 4409 hattama toltyryldy. Onyń ishinde 402 hattama zańdy tulǵalarǵa, 4007-si jeke tulǵaǵa arnaldy.
Halyqty taǵy da karantın rejımin qatań saqtaýǵa shaqyrady: adamdar kóp jınalatyn jerden aýlaq bolýǵa, maska rejımi men áleýmettik qashyqtyqty saqtaý qajettigine nazar aýdaryldy.