Aýǵanstanda KSRO-nyń 620 myńǵa jýyq, sonyń ishinde qazaqstandyq 22 myń adam áskerı qyzmetterin ótedi
16 aqpanda Memlekettik Ortalyq mýzeıinde Keńes áskeriniń Aýǵanstannan shyǵarylýyna arnalǵan «Aýǵannyń otty jalyny» kórmesi ashylady, dep habarlaıdy Almaty-akshamy.kz.
Keńes áskerleri Aýǵanstan jerinde aýyr da azapty toǵyz jyl boıy – 1979 jyldyń 25 jeltoqsanynan 1989 jyldyń 15 aqpanyna deıin boldy.
Aýǵanstanda KSRO-nyń 620 myńǵa jýyq, sonyń ishinde qazaqstandyq 22 myń adam áskerı qyzmetterin ótedi.
15 526 adam, sonyń ishinde qazaqstandyq 924 qaza tapty, alǵan jaraqattarynan jáne aýrýlardan qaıtys boldy.
333 adam (KSRO Qorǵanys mınıstrligi Bas Shtabynyń derekteri boıynsha), sonyń ishinde qazaqstandyq 21 adam habar-osharsyz joǵaldy jáne tutqynǵa tústi.
Aýǵan soǵysy Keńester Odaǵyna eshbir ar-abyroı, dańq ákelgen joq.
Qurban bolǵandardyń týystary men jaqyndary úshin bul qasiretti soǵys 1989 jyly 15 aqpandaǵy áskerlerdiń shyǵarylýymen de aıaqtalǵan joq. Ol tipti ýaqyttyń ózi de emdeýge dármensiz qansyraǵan jara bolyp qalyp otyr. Osy qantógisti oqıǵanyń tájirıbesi ár memleket pen halyq ózderiniń ishki isterin óz halyqtarynyń paıdasy men ıgilikteri úshin derbes túrde sheshýge úndegen qaıtalanbas sabaq boldy. Shaıqas shebinde soǵysty tutandyrýshylar emes, maıdandaǵy jaýyngerler qaza boldy. Kórme naq osylar haqynda.
Kórmeniń maqsaty – Aýǵanstan soǵysy týraly shyndyqty jetkizý, jaýyngerler men jastardyń jańa lek urpaǵyn Aýǵanstanda shaıqasqan soldattar men ofıserlerdiń patrıottyq úlgisinde tárbıeleý, sondaı-aq, soǵys saıası problemalardy sheshýdiń tásili emes ekendigi týraly uǵymdy qalyptastyrý.
Ekspozısıaǵa Aýǵanstanda shaıqasqan, qurban bolǵan jáne osy otty keshýden aman qalǵan qazaqstandyq jaýyngerler men ofıserlerdiń derekti materıaldary (oqıǵalardyń kýágerleri men qatysýshylarynyń fotosýretteri, hattary, kýálikteri), nagradalary men jeke zattary qoıylady. Kórmege kelýshilerdi, ásirese, keńes jaýyngerleri men ofıserleriniń, sondaı-aq olardyń qarsylastarynyń áskerı kıim-múlikteri aıryqsha qyzyqtyrary sózsiz.
Kórme Qazaqstannyń «Jaýyngerlik baýyrlastyq» jergilikti soǵystar men áskerı qaqtyǵystar Ardagerleri Odaǵynyń jáne Almaty qalasyndaǵy Aýǵanstan soǵysy ardagerleri Odaǵynyń belseńdi túrde qatysýymen uıymdastyrylyp otyr.
Kórme 2023 jyldyń 5 naýryzyna deıin jalǵasady.