Aýa-raıynyń kúrt nasharlap, nóser jaýynmen qatty jel soǵýdyń saladarynan qalada 26 aǵashtyń qulaýy tirkeldi. 29 naýryz tańǵa deıin barlyq ýchaske tazartylyp, qulaǵan aǵashtar kesilip, shyǵaryldy.
Túngi kezeńde aryq arqyly sýdyń kedergisiz aǵyp ketýi qamtamasyz etildi. Barlyq aryq ótkeli tazartyldy, sý basatyn oryndarǵa 344 birlik arnaıy tehnıka men 163 jumysshy jumyldyryldy. Qaýipti ýchaskelerde sý basýdyń aldyn alý maqsatynda 953 qap ınertti materıal paıdalanyldy.
Sondaı-aq, aýa raıynyń qolaısyzdyǵyna baılanysty «AJK» jelileri túngi kezeńde 25 ajyratyldy, elektrmen jabdyqtaý tolyǵymen qalpyna keltirildi.
«QazTransGazAımaq» AQ jelisi boıynsha jaryq 2 ret óshirildi, aǵashtyń qulaýyna baılanysty qalpyna keltirý jumystary júrgizilip jatyr.
2024 jylǵy 28 naýryzdaǵy aýa-raıynyń kúrt nasharlaýy men jyldamdyǵ 18-24 m/s deıin soqqan qatty jelden Aqsaı-4 shaǵyn aýdanyndaǵy №132 mektep shatyrynyń keı jeri ushyp ketken.
- Mektep 1988 jyly salyndy, sońǵy kúrdeli jóndeý 2007 jyly júrgizildi.
- Merdiger uıymdardyń kúshimen kanıkýl aıaqtalǵanǵa deıin shatyrǵa jóndeý júrgiziledi.
- Bostandyq aýdanyndaǵy qurylys pen menedjment kolejiniń shatyry azdap zardap shekken. Ony ǵımarat ıeleri qalpyna keltiredi.
- Sıgnaldy jedel óńdeý maqsatynda qalanyń TJD-da jedel jeli ashylyp, «112» operatorlarynyń sany artty.
- Tirshilikti qamtamasyz etý nysandary shtattyq rejımde jumys istep tur, zardap shekkender joq.
- Aýdan ákimdikterinde jumysty baqylaý boıynsha táýlik boıy kezekshilik uıymdastyryldy.
- «Qazgıdromet» RMK boljaýynsha, 29 naýryzda 2 mm-ge deıin, 30 naýryzda 8 mm-ge deıin jańbyr jaýady dep boljanyp otyr.
Anyqtama: aǵashtar kólikke qulaǵan jaǵdaıda, aǵashtyń qulaý faktisin tirkeý jáne oqıǵanyń syzbasyn jasaý úshin jol patrýldik polısıasyn shaqyrý qajet. Keltirilgen zalaldy óteý úshin zalaldyń qunyn baǵalaý júrgizý kerek. Sonymen qatar, keltirilgen zalaldy óteýge jaýapty adamdy aıqyndaý úshin memlekettik organdarǵa ótinish jazý arqyly sotqa deıingi narazylyq jumystaryn júrgizý jáne qajet bolsa zalal somasyn óndirip alý týraly talap aryzben sotqa júginý kerek.
