Almatyda ataýly áleýmettik kómek 48 myńnan astam adamǵa taǵaıyndaldy, onyń ishinde 37 myńnan astamy tólem aldy.
Megapolıste osy maqsattarǵa 4,5 mln teńgeden astam qarjy bólindi. Bul týraly Óńirlik komýnıkasıalar qyzmetiniń brıfıńinde Almaty qalasynyń Mansap ortalyǵynyń ókilderi málim etti, dep habarlaıdy Almaty-akshamy.kz.
Kedeılik shegin toqsan saıyn jergilikti atqarýshy organdar eń tómengi kúnkóris deńgeıiniń 70% mólsherinde belgileıdi. Almaty qalasynda 2023 jyldyń 3 toqsanyndaǵy kedeılik shegi 34 929 teńgeni quraıdy.
«AÁK-ke úmitker tulǵalar konsýltasıalar alý úshin jáne arnaýly áleýmettik kórsetiletin kyzmetterdi usynylý sharttary týraly akparat alýǵa, turǵylyqty tirkelgen meken-jaıy boıynsha Mansap ortalyǵynyń qyzmetkerlerine júgine alady nemese onlaın ótinish bere alady. Úmitkerler ótinish berý úshin, turǵylyqty meken- jaıǵa turaqty nemese ýaqytsha tirkelý qajet jáne ýaqytsha tirkelgen jaǵdaıda AÁK -ke 6 aı ótken soń ǵana ótinish bere alady. Memlekettik qyzmet tolyq avtomattandyrylǵan jáne sıfrlandyrylǵan. Ataýly áleýmettik kómekti taǵaıyndaý úshin qujattardy qolma-qol ótkizý talap etilmeıdi. AÁK taǵaıyndaý úshin úmitkerlerge toqsan saıyn ótinish berýi qajet», - dep aqparattandyrdy Almaty qalasy Mansap ortalyǵynyń jetekshisi Ádilet Jańabaev.
Ataýly áleýmettik kómek shartsyz aqshalaı kómek nemese shartty aqshalaı kómek túrinde taǵaıyndalady.
Shartsyz aqshalaı kómek kórsetiledi:
1) jumyspen qamtýǵa járdemdesý sharalaryna katysýǵa múmkindigi shekteýli jalǵyzbasty jáne (nemese) jalǵyz turatyn kipici az adamdarǵa:
osy Kodekstiń 207-babynyń 1-tarmaǵynda belgilengen zeınetkerlik jasqa tolýyna; birinshi nemese ekinshi toptaǵy múgedekterge; eki aıdan astam eńbekke ýakytsha kabiletsizdigi merzimi belgilenýi múmkin aýrýynyń bolýyna baılanysty;
2) quramynda eńbekke kabiletti adamdary joq nemese eńbekke kabiletti jalǵyz múshesi, úsh jaska deıingi balaǵa, múgedektigi bar balaǵa, birinshi nemese ekinshi toptaǵy múgedektigi bar adamǵa, bógdeniń kútimine jáne kómegine muqtaj qartqa, kútimdi júzege asyratyn kipici az otbasylarǵa kórsetiledi.
«Shartty aqshalaı kómek jalǵyz basty jáne (nemese) jalǵyz turatyn az qamtylǵan eńbekke qabiletti bar adamdarǵa, sondaı-aq óziniń quramynda eńbekke qabiletti (eńbekke qabiletti) adamy (músheleri) bar az qamtylǵan otbasylarǵa onyń (olardyń) sharalarǵa qatysýy shartymen jumyspen qamtýǵa jáne (nemese) áleýmettik beıimdeý qajet bolǵan kezde kórsetiledi.
Quramynda eńbekke qabiletti tulǵalary bar otbasylar úshin ýchaskelik komısıanyń qorytyndysyn alǵannan keıin jeke jospar jasalady, onda otbasynyń (adamnyń) jumyspen qamtylýyn jáne áleýmettik beıimdelýin qamtamasyz etý jónindegi is-sharalardyń tizimi kórsetiledi jáne ótinish berýshimen shartty aqshalaı júginý kezeńine áleýmettik kelisimshart jasalady. Shartty aqshalaı kómek alýshylarmen áleýmettik kelisimshart az qamtylǵan adam (otbasy) áleýmettik kelisimsharttyń talaptaryn jáne jeke jospardyń is-sharalaryn, onyń ishinde jumyspen qamtýǵa jáne jumysqa ornalasýǵa járdemdesý sharalaryna qatysý jónindegi is-sharalardy tolyq kólemde oryndamaǵan kezde buzylady», - dep atap ótti spıker.
Adamǵa (otbasyna) ataýly áleýmettik kómektiń mólsherin ataýly áleýmettik kómekti taǵaıyndaý jónindegi ýákiletti organ jan basyna shaqqandaǵy ortasha tabys pen kedeılik sheginiń arasyndaǵy aıyrma túrinde otbasynyń árbir adamyna esepteı otyryp taǵaıyndalady.
Balalarǵa arnalǵan Qosymsha tólem Áleýmettik Kodekske sáıkes ataýly áleýmettik kómekti qaraý kezeńinde 1,5 aılyq eseptik kórsetkish mólsherinde júrgiziledi, bir jastan alty jasqa deıingi árbir balaǵa respýblıkalyq búdjet týraly zańnamamen tıisti qarjy jylyna belgilengen eseptik kórsetkishpen tólenedi.
Barlyq qyzyqtyratyn suraqtar boıynsha aýdandyq bólimshelerge jáne Dostyq dańǵyly, 85, meken-jaıy boıynsha «Áleýmettik qyzmetter úıine» júginýge bolady. Sonymen qatar, 310-47-82 biryńǵaı nómiri boıynsha Call-ortalyq jumys isteıdi.