Qaza bolǵandar men zardap shekkender joq.
Almatyda «Atakent» kórme pavılony órtenip jatyr, dep habarlaıdy Almaty-akshamy.kz.
Almaty qalalyq Tótenshe jaǵdaılar departamentiniń málimetinshe, órt sóndirý brıgadasy Bostandyq aýdany, Tımırázev kóshesi 42 mekenjaıy boıynsha shaqyrtýǵa shyqty.
«Bostandyq aýdany, Tımırázev k-si 42 № 9 pavılıon aýmaǵyndaǵy Atakentte janý anyqtaldy.Taralý qaýpi joq. Oqıǵa ornynda jedel shtab qurylyp, órt sóndirýdiń eki ýchaskesi quryldy, Órt oqpandary iske qosyldy, avtosısternalar batys jáne shyǵys jaǵynan gıdranttarǵa ornatyldy. ALDYN ALA AQPARAT BOIYNSHA PAVILON BOS.Alǵashqy órt sóndirý bólimshesi kelgen kezde №9 pavılon ashyq jalynmen janyp jatty. Ózge ǵımarattarǵa taralý qaýpi joq», - dep habarlady qalalyq Tótenshe jaǵdaılar departamentiniń baspasóz qyzmeti.
Oqıǵa ornynda jedel shtab jumys istep jatyr. Órt sóndirýdiń eki ýchaskesi quryldy, órt oqpandary iske qosyldy, avtosısternalar batys jáne shyǵys jaǵynan gıdranttarǵa ornatyldy. Aldyn ala aqparat boıynsha pavılon bos tur. Qaza bolǵandar men zardap shekkender joq. Oqıǵa ornynda 17 birlik tehnıka 50 adam jumys istep jatyr.
Tótenshe jaǵdaılar departamentiniń sońǵy deregi boıynsha, órt sóndirýshiler saǵat 17.23 mınýtta órtti tolyǵymen sóndirip úlgerdi.