Qazaqstan Prezıdenti resmı saparmen Qyrǵyzstanǵa barady.
Memleket basshysy Qasym-Jomart Toqaev Qyrǵyzstan Prezıdenti Sadyr Japarovpen telefon arqyly sóılesti, dep habarlaıdy Almaty-akshamy.kz Aqordaǵa silteme jasap.
Qyrǵyzstan Prezıdenti Memleket basshysy Qasym-Jomart Toqaevty týǵan kúnimen quttyqtap, oǵan zor densaýlyq jáne Qazaqstan halqynyń ıgiligi jolyndaǵy asa jaýapty memlekettik qyzmetine tabys tiledi.
Áńgimelesý barysynda qazaq-qyrǵyz strategıalyq seriktestiginiń damý perspektıvalary talqylandy. Osy rette Qazaqstan Prezıdentiniń Qyrǵyzstanǵa josparlanǵan resmı saparyna erekshe nazar aýdaryldy.
Prezıdentter aldaǵy ýaqytta ótetin joǵary deńgeıdegi kelissózderdiń ekijaqty yntymaqtastyqty nyǵaıtýǵa tyń serpin beretinine senim bildirdi.