Bostandyq aýdanynyń qorǵanys isteri jónindegi basqarmasy men ardagerler keńesiniń ókilderi Uly Otan soǵysynyń ardageri Anatolıı Nazarovıch Popovty 99 jasqa tolǵan týǵan kúnimen quttyqtady.
Anatolıı Popov 1926 jyly 13 qańtarda Almaty oblysy Qaskeleń qalasynda dúnıege kelgen. Áskerı baılanysshy mamandyǵyn alǵan soń 1943 jyly Baltyq maıdanyna jiberiledi.
Anatolıı Nazarovıch «Rıgany azat etkeni úshin», «Germanıany jeńgeni úshin» medaldarymen jáne basqa da mereıtoılyq nagradalarmen marapattalǵan.
Jeńisten soń Anatolıı Nazarovıch ásker qatarynda qalyp, qyzmetin jalǵastyrdy. 1952 jyly Saratov áskerı medısınalyq ýchılıshesine oqýǵa túsedi. Sodan keıin Germanıada qyzmet etti.
1955 jyly Otanyna oralyp, 30 jyldan astam qalalyq sanıtarlyq-epıdemıologıalyq stansıada jumys istedi. Jubaıy Tamara ekeýi úsh qyz tárbıelep ósirdi. Ardager olardan tórt nemere, alty shóbere súıip otyr.
Áskerı qyzmetshiler maıdangerge jergilikti áskerı basqarý organdary qolbasshylyǵynyń quttyqtaýy men syılyqtaryn tabys etti. Olar Anatolıı Nazarovıchke Jeńiske qosqan úlesi úshin zor alǵys bildirip, zor densaýlyq jáne uzaq ǵumyr tiledi.