Qurlyq áskerleriniń áskerı ınstıtýtynda Saǵadat Nurmaǵambetovtyń 100 jyldyǵyna arnalǵan III Halyqaralyq ǵylymı-praktıkalyq konferensıa ótti.
Ázerbaıjan, Armenıa, Belarýs, Qyrǵyzstan, Tájikstan jáne Ózbekstan áskerı oqý oryndarynyń ókilderine beınekonferensıa uıymdastyryldy, dep habarlaıdy Almaty-akshamy.kz Qorǵanys mınıstrligine silteme jasap.
Konferensıaǵa «Qazaqstan ardagerleri» Aýǵan soǵysy ardagerleri qaýymdastyǵynyń tóraǵasy Baqytbek Smaǵul, Halyq qaharmanynyń nemeresi Aıjan Nurmaǵambetova, elimizdiń kúsh qurylymdary oqý oryndarynyń kýrsanttary, JOO-nyń stýdentteri, magıstranttary men doktoranttary, Baýyrjan Momyshuly atyndaǵy «Jas ulan» respýblıkalyq mektebiniń tárbıelenýshileri qatysty.
Konferensıa jumysy eki seksıa boıynsha uıymdastyryldy. Onda qazirgi jaǵdaıda áskerı ǵylymdy damytý, ıdeologıalyq jumys, áskerı oqytý jáne tárbıe salasyndaǵy ǵylymı qyzmetti jetildirý máseleleri talqylandy. Ulttyq qaýipsizdik jáne halyqaralyq áskerı yntymaqtastyq taqyryptary da qozǵaldy.
QR UQK akademıasynyń bastyǵy Ulttyq qaýipsizdik general-maıory Ahat Muqashev, Qurlyq áskerleri áskerı ınstıtýty bastyǵynyń birinshi orynbasary polkovnık Jánibek Sarǵazın jáne basqalar baıandama jasady.
Konferensıa qorytyndysy boıynsha áskerı ǵylymdy odan ári damytý jóninde qarar qabyldanyp, qaýipsizdik salasynda usynymdar ázirlendi. Qatysýshylarǵa sertıfıkattar men estelik syılyqtar berildi.