Ol – áıgili «Erke sylqym» kúıiniń avtory.
Ataqty kúıshi-kompozıtor, Qazaqstannyń eńbek sińirgen mádenıet qaıratkeri Ábdimomyn Jeldibaev 90 jasqa qaraǵan shaǵynda dúnıeden ozdy, dep habarlaıdy Almaty-akshamy.kz
Kúıshi 1934 jyly 15 qazanda Jambyl oblysy Shý aýdanynda ómirge kelgen. Kúıshi-kompozıtor Jambyl mádenı aǵartý ýchılıshesin, Almaty konservatorıasyn bitirgen. 1964 jyldan Shý aýdandyq mádenıet bóliminiń meńgerýshisi boldy. 30 jyldan asa ýaqyt boıy «Shý erkesi» halyq aspaptar ansambline jetekshilik etti. Kompozıtordyń «Arman qus», «Abaı armany», «Jambyl tolǵaýy», «Turan eli» syndy 70-ten astam kúıi men áni bar. Onyń «Erke sylqym» kúıi halyqqa keńinen taralǵan. «Qurmet» ordenimen marapattalǵan.