Tańerteń talqany shyqqan kóligin kórgen kórshisi polısıaǵa aryz jazady.
Áleýmettik jelide bir áıeldiń esik aldynda turǵan Kia avtokóligin ońdyrmaı talqandap jatqanyn sıpattaıtyn vıdeo paıda boldy. Atalǵan oqıǵa Almaty qalasynda Jańa jyl qarsańynda oryn alǵany aıtylady, dep habarlaıdy Almaty-akshamy.kz Zakon.kz-ke silteme jasap.
Vıdeoǵa berilgen sıpattamada Jańa jylǵa birer mınýt qalǵanda kúıeýimen ursysyp qalǵan áıel esik aldyna atyp shyǵyp, "onyń Kia K5" aq kóligin talqandaı bastaǵany, esikti maıystyryp, terezeni syndyryp, nómirdi julyp alǵany aıtylady. Keıin belgili bolǵandaı, bul onyń kúıeýiniń emes, kórshisiniń kóligi bolyp shyqqan. Ashýly áıel ony shatastyryp alǵan.
Tańerteń talqany shyqqan kóligin kórgen kórshisi polısıaǵa aryz jazady.
"Bul fakt tirkeýge alynǵan. Qazirgi ýaqytta ony jergilikti polısıa qyzmeti qarastyryp jatyr. Ary qaraı QR zańnamasyna sáıkes sharalar qabyldaý úshin istiń mán-jaıy muqıat zerdelenetin bolady"- delingen habarlamada.