Almaty ákimi Erbolat Dosaev Ortalyq komýnıkasıalar qyzmetinde ótken brıfıńte jýrnalıser suraǵyna jaýap bere otyryp, aryq jelilerin aýqymdy jańǵyrtý jumystary týraly aıtty, dep habarlaıdy aqshamnews.kz
"2022 jyly biz aýdıt júrgizip, turaqty sý basý qaýpi bar 142 ýchaskeni anyqtadyq. Sońǵy eki jylda bul ýchaskelerdi tolyǵymen joıýǵa qol jetkizdik. 125 km aryq jelileri salyndy jáne jańǵyrtyldy. 2025 jyly taǵy 180 km jelini jańǵyrtý jumystaryn aıaqtaý josparlanýda", – dedi qala basshysy.
Erbolat Dosaevtyń aıtýynsha, atqarylǵan jumystardyń arqasynda 2025 jylǵa qaraı Almatydaǵy jańǵyrtylǵan aryq jelileriniń úlesi 80%-ǵa jetedi.
Bul joba qalalyq ınfraqurylymdy jaqsartý jáne sý tasqynynyń aldyn alý boıynsha keshendi baǵdarlamanyń bir bóligi bolyp tabylady jáne qala turǵyndarynyń qaýipsizdigi men jaılylyǵyn qamtamasyz etedi.