Atalmysh baǵdarlamasy boıynsha 15 500 bala qamtylǵan.
Almatyda ArtSport baǵdarlamasy jyl sońyna deıin jalǵasady. Oǵan qosymsha qarjy bólindi. Bul týraly qala ákimi Erbolat Dosaev Alataý aýdany turǵyndarymen kezdesý barysynda aıtty, dep habarlaıdy Almaty-akshamy.kz QazAqparatqa silteme jasap.
«Almatynyń Alataý aýdanynda ArtSport baǵdarlamasy boıynsha 15 500 bala qamtylǵan. Qyzmet kórsetýshilerdiń qaryzyn óteý jáne baǵdarlamany jyl sońyna deıin jalǵastyrý úshin ákimdik qosymsha 7,3 mlrd teńge bóldi»,- dedi Erbolat Dosaev.
Buǵan deıin ákimdiktiń ArtSport baǵdarlamasy boıynsha maýsym men tamyz aıynyń sońyna deıin kórsetilgen qyzmetter úshin jetkizýshilerge 2,2 mlrd teńge kóleminde qaryzy bar ekenin jazǵan bolatynbyz.
Qazirgi tańda Almatyda artsport.edu.kz saıtynyń dereginshe, úıirmege 83 myń bala qatysady, onyń 35,5 myńy sportpen jáne 47,5 myńy shyǵarmashylyq aınalysady.
ArtSport baǵdarlamasy boıynsha búdjet qarajatyn jymqyrý faktisi anyqtalǵan edi.