Bul týraly Bas prokýratýra málim etti.
Bas kólik prokýratýrasy josparly taldaý sheńberinde kólik salasyndaǵy ýákiletti organnyń «Áleýmettik mańyzy bar qatynastar boıynsha jolaýshylardy tasymaldaý jónindegi qyzmetterge baǵalardyń (tarıfterdiń) shekti deńgeılerin aıqyndaý ádistemesin bekitý týraly» buıryǵyn zerdelegen, dep habarlaıdy Almaty-akshamy.kz.
Ádistemege dınamıkalyq baǵa belgileý prınsıpi boıynsha jol júrý qunyn anyqtaý formýlasy zańsyz engizilgeni anyqtaldy, bul is júzinde jol júrý qujat baǵasynyń qymbattaýyna múmkindik bergen.
«Osy normatıvtik aktige 21 aqpanda Bas kólik prokýratýrasymen Indýstrıa jáne ınfraqurylymdyq damý mınıstrligine narazylyq keltirildi, ol tolyq kólemde qanaǵattandyryldy.
Búgingi tańda temirjol bıletterin satý kezinde dınamıkalyq baǵa belgileýdi qoldaný toqtatyldy, osy normany alyp tastaý týraly buıryqtyń jobasy ýákiletti organdarmen kelisilý satysynda. Prokýratýra bastamashylyǵymen engizilgen túzetýler jolaýshylarǵa poıyzdarda júrý qunyn edáýir tómendetýge jáne bıletterdiń shekti baǵasyn belgileýge múmkindik beredi», – delingen vedomstvo habarlamasynda.