Partıanyń Almaty qalalyq fılıalynda AMANAT fraksıasynyń otyrysy ótti.
Jıynda qala basshylyǵynyń Jol kartasyn júzege asyrý boıynsha esebi tyńdaldy, dep habarlaıdy Almaty-akshamy.kz
Fraksıa jumysyna qalalyq fılıaldyń atqarýshy hatshysy M. Otynshıev, Almaty qalalyq máslıhatyndaǵy fraksıa jetekshisi L. Ibragımova, depýtattyq fraksıa músheleri men aýdandyq fılıaldardyń tóraǵalary-aýdan ákimderi, sondaı-aq megapolıstiń memlekettik organdarynyń basshylary jáne t.b. qatysty.
Qalalyq máslıhattaǵy fraksıa jetekshisi Lázzat Ibragımovanyń aıtýynsha, megapolıste áleýmettik, ınjenerlik, jol-kólik ınfraqurylymyn jaqsartý boıynsha kóptegen jobalar júzege asyrylýda, olardyń oryndalýy depýtattardyń, Búro músheleriniń jáne partıa fılıaly Saıası keńesiniń baqylaýynda.
Partıanyń saılaýaldy baǵdarlamasyn oryndaý jónindegi Jol kartasy aıasynda Almaty qalasynda 2021 jyly 79 balabaqsha ashyldy, Alataý jáne Naýryzbaı aýdandarynda 5,1 myń oryndyq 3 mekteptiń qurylysy aıaqtaldy, mektepterge 8 myń oryndyq 16 qosymsha qurylys salyndy.
«Shetsiz qala» baǵyty boıynsha da jumystar jalǵasýda. Osylaısha, halyqtyń sýmen jabdyqtaý qyzmetterine qol jetkizý deńgeıi 98,5%-ǵa deıin jetkizildi, al gazben jabdyqtaýǵa qol jetkizý 99,2%-dy qurady. Budan bólek, jeke sektordaǵy 2 myńnan astam úı tabıǵı gazǵa kóshirildi.
Sonymen qatar, jol ınfraqurylymyn jaqsartý boıynsha jobalardy iske asyrý barysy qaraldy. Rysqulov dańǵyly men Emsov kóshesindegi jol aıryǵy aıaqtalyp, Abaı dańǵyly boıynsha qozǵalys ashyldy. Sondaı-aq, ótken jyly Alataý, Naýryzbaı jáne Túrksib aýdandarynyń 8 shaǵynaýdanynda 65 km jańa jol salyndy. Uzyndyǵy 201 km 206 kóshege ortasha jóndeý jumystary qamtyldy.
Sonymen qatar, otyrysta qalalyq fılıaldyń atqarýshy hatshysy Meıirjan Otynshıev óńirlik qoǵamdyq keńesterdiń sanyn 11-den 8-ge deıin ońtaılandyrý týraly habarlap, jańa tóraǵalardy tanystyrdy.
Sonymen, ekonomıkany damytý jáne kásipkerlikti qoldaý jónindegi qoǵamdyq keńesti depýtat Qaırat Qudaıbergen, otbasy jáne halyqty áleýmettik qorǵaý máseleleri jónindegi keńesti Rahat Shımasheva, Óńirlik damý jáne ekologıa máseleleri jónindegi keńesti Shýhrad Shardınov, bilim berý jáne densaýlyq saqtaý máseleleri jónindegi keńesti Bolat Sadyqov, sybaılas jemqorlyqqa qarsy is-qımyl keńesin Erbolat Qasymov basqardy. Al qalǵan úsh keńestiń basshylary óz jumystaryn jańa qurammen jáne bekitilgen jyldyq jumys josparynyń jobasymen jalǵastyratyn bolady.
Otyrys barysynda problemalyq máseleler qaralyp, olardy sheshý úshin ákimdiktiń qurylymdyq bólimshelerine birqatar tapsyrmalar berildi. Óz kezeginde, partıanyń qalalyq fılıaly barlyq saılaýaldy ýádeleriniń ýaqytyly oryndalýyn baqylaýdy kúsheıtetinin málimdedi.