Kezdesý barysynda taraptar Qazaqstan men Eýropalyq odaq arasyndaǵy qarqyndy jáne damyp kele jatqan yntymaqtastyqty atap ótti, dep habarlaıdy Almaty-akshamy.kz.
Eýroodaq bizdiń elimizdiń jahandyq saýda-ekonomıkalyq áriptesteriniń biri bolyp tabylady jáne Qazaqstannyń basty ınvestorlarynyń tizimine kiredi. Taýar aınalymy 2021 jyly 28,9 mlrd AQSH dollaryn qurady, bul 2020 jylmen salystyrǵanda 17,9%-ǵa joǵary. Almatyda EO elderi kapıtalynyń qatysýymen 713 birlesken kásiporyn jáne 1699 (Qazaqstandaǵy 695 kompanıadan) kompanıa tirkelgen.
Qala basshysy Eýropalyq parlament delegasıasynyń múshelerin Almaty ekonomıkasyn qalpyna keltirý jumystary, qalany áleýmettik-ekonomıkalyq damytýdyń aldaǵy josparlary týraly habardar etti.
Sondaı-aq, kezdesý barysynda azamattyq qoǵamdastyqpen jáne úkimettik emes uıymdarmen (ÚEU) ózara is-qımyldy jandandyrý máseleleri kóterildi, olardyń búginde qalada 4 myńnan astamy bar (respýblıka boıynsha jalpy sanynyń 20%-y, QR-da-19 myńnan astam).
Kezdesý sońynda taraptar ekonomıkanyń basym baǵyttary jáne adam quqyqtary men bostandyqtaryn qorǵaý salasy boıynsha yntymaqtastyqty jalǵastyrýǵa daıyn ekendikterin bildirdi.