Kezdesý barysynda taraptar saýda-ekonomıkalyq baılanystardy tereńdetý boıynsha buryn qoljetken ýaǵdalastyqtardy rastady, dep habarlaıdy Almaty-akshamy.kz.
Qala basshysy AQSH Memdepartamentiniń ókilderin Almaty ekonomıkasyn qalpyna keltirý boıynsha ákimdiktiń júrgizip jatqan jumystary, qalanyń áleýmettik-ekonomıkalyq damýynyń aldaǵy josparlary týraly habardar etti.
Búginde qala ekonomıkasy birtindep qalpyna keltirilýde. Osy jyldyń basynan beri úsh aıdyń qorytyndysy boıynsha negizgi kapıtalǵa (+19,8%), ónerkásipke (+11,5%), qurylysqa (+38,6%) ınvestısıalar kóleminiń ósýi baıqalady. Almatyda jumys istep turǵan shaǵyn jáne orta bıznes sýbektileriniń sany 8,5%-ǵa ósti jáne 213 myńnan asty.
Taraptar sondaı-aq ekijaqty yntymaqtastyqtyń oń qarqynyn atap ótti. Ótken jyldyń qorytyndysy boıynsha Almaty men AQSH arasyndaǵy taýar aınalymy 662,1 mln AQSH dollaryn qurady. Qalada 128 birlesken kásiporyn jáne amerıkandyq kompanıalardyń 399-y (Qazaqstandaǵy 695-tiń) tirkelgen.
Kezdesý barysynda azamattyq qoǵamdastyqpen, úkimettik emes uıymdarmen odan ári yntymaqtastyq, ESG qaǵıdattaryn engizýdi jandandyrý jáne qalany ınklúzıvti damytý máseleleri talqylandy.
Kelissózder barysynda amerıkalyq tarap Almatydaǵy AQSH Bas konsýldyǵynyń jańa ǵımaratyn salý nıetin rastady