2024 jyldyń 29 qyrkúıeginde Almatyda Almaty Marathon ótedi, sol sebepti tańǵy 06:00-den 12:30-ǵa deıin qoǵamdyq kólik qozǵalysynyń sqemalary ózgeredi. Osy ýaqytta 74 avtobýs baǵyttarynyń qozǵalysy ózgeredi, al troleıbýs qozǵalysy ýaqytsha toqtatylady.
Tolyq aqparatty jáne ár marshrýttyń ýaqytsha qozǵalys sqemasyn @AlmatyJoly Telegram arnasynan kórýge bolady: silteme.
Esterińizge sala keteıik, 29 qyrkúıekte 06:20-dan 12:30-ǵa deıin marafon ótý jolyndaǵy keıbir kósheler ishinara jabylady. Sportshylar dıstansıany ótken saıyn joldar birtindep ashylady.
Marafonnyń bastalýy men aıaqtalýy Respýblıka alańynda ornalasqan. Osyǵan baılanysty Sátpaev kóshesi Jeltoksan kóshesinen Nazarbaev dańǵylyna deıingi eki jaqty qozǵalys 28 qyrkúıek kúni saǵat 06:00-den 29 qyrkúıek kúni saǵat 22:00-ge deıin jabyq bolady.
29 qyrkúıek kúni qozǵalystyń jabylý ýaqyty:
- Nazarbaev dańǵyly Sátpaev kóshesinen Ál-Farabı dańǵylyna deıin 06:25-ten 09:35-ke deıin tolyǵymen jabylady. Balama jol – Dostyq dańǵyly.
- Ál-Farabı dańǵyly Nazarbaev dańǵylynan Shashkın kóshesine deıin 06:30-dan 09:45-ke deıin ishinara jabylady. Dańǵyldyń ońtústik jaǵy kólik qozǵalysy úshin ashyq bolady. Balama baǵyt – Tóle bı kóshesi jáne Abaı dańǵyly.
- Ál-Farabı dańǵyly Shashkın kóshesinen Saın kóshesine deıin 06:35-ten 10:15-ke deıin ishinara jabylady. Ońtústik jaǵy ashyq bolady. Balama jol – Abaı dańǵyly.
- Saın kóshesi Ál-Farabı dańǵylynan Abaı dańǵylyna deıingi soltústik baǵytta 07:00-den 11:00-ge deıin jabylady. Balama jol – Baýyrjan Momyshuly kóshesi.
- Abaı dańǵyly Saın kóshesinen Rozybakıev kóshesine deıin shyǵys baǵytta 07:10-nan 11:30-ǵa deıin jabylady. Soltústik jaǵy ashyq bolady. Balama joldar – Ál-Farabı dańǵyly, Tóle bı, Qurmanǵazy, Qabanbaı batyr kósheleri.
- Abaı dańǵyly Rozybakıev kóshesinen Baıtýrsynov kóshesine deıin 07:20-dan 12:00-ge deıin tolyq jabylady. Balama jol – Ál-Farabı dańǵyly.
- Baıtýrsynov kóshesi Abaı dańǵylynan Sátpaev kóshesine deıin 07:30-dan 12:15-ke deıin tolyq jabylady.
- Sátpaev kóshesi Baıtýrsynov kóshesinen Jeltoksan kóshesine deıin shyǵys baǵytta 07:40-tan 12:30-ǵa deıin tolyq jabylady. Balama joldar – Abaı dańǵyly men Tóle bı kóshesi.
- Shashkın kóshesi Ál-Farabı dańǵylynan Tımırázev kóshesine deıin 07:30-dan 08:05-ke deıin jabylady. Balama jol – Markov kóshesi.
- Tımırázev kóshesi Shashkın kóshesinen Baızaqov kóshesine deıin 07:30-dan 08:15-ke deıin jabylady. Balama joldar – Abaı dańǵyly men Ál-Farabı dańǵyly.
- Baızaqov kóshesi Tımırázev kóshesinen Qurmanǵazy kóshesine deıin 07:35-ten 08:50-ge deıin ishinara jabylady. Balama joldar – Aýezov jáne Manas kósheleri.
- Qurmanǵazy kóshesi Baızaqov kóshesinen Baıseıitova kóshesine deıin 07:40-tan 08:10-ǵa deıin ishinara jabylady. Balama jol – Tóle bı kóshesi.
- Abylaı han dańǵyly Qurmanǵazy kóshesinen Abaı dańǵylyna deıin 07:45-ten 09:15-ke deıin ishinara jabylady. Balama joldar – Kýnaev jáne Dostyq kósheleri.
- Jeltoksan kóshesi Abaı dańǵylynan Sátpaev kóshesine deıin 07:50-den 09:20-ǵa deıin ishinara jabylady. Balama jol – Dostyq kóshesi.
Barlyq shekteýlerdi eskere otyryp, júrý joldaryńyzdy aldyn ala josparlap alǵan jón.