27-28 qarashada Almaty qalasynda alǵash ret Cyber Games kıbersportynan eki kúndik týrnır ótedi, dep habarlaıdy Almaty-akshamy.kz.
Jarys úsh pán boıynsha ótedi: Dota2, Counter Strike, Global Offensive jáne FIFA 22. Oǵan Adren, Acoolfifa, MuMino, Keen, Aigera Dunamis, Nigmaabq jetekshi strımerleri jáne Hakim Mukaram, Essentay, Shakesh, Asylromeo blogerleri qatysady.
Uıymdastyrýshylardyń aıtýynsha, Almaty Cyber Games 2022 jaı ǵana týrnır emes, sıfrlyq oıyn-saýyq ındýstrıasynyń naǵyz festıvali bolmaq. Jańa jastar kıbersport qozǵalysynyń bilgirleri men jankúıerlerin qyzyqty tımfaıtter, kospleı-shoýlar, demeýshilerden syılyqtar utys oıyndary, shaqyrylǵan ataqty qonaqtar jáne t. b. kútedi.
Týrnırdiń jalpy júlde qory demeýshiler esebinen 3 000 000 teńge. Týrnırdi Almaty qalasy sıfrlandyrý basqarmasynyń qoldaýymen iPlay eSports kıbersport platformasy uıymdastyrdy.
Ótetin kúni men ýaqyty: 27-28 qarasha saǵat 13:00-de
Ótetin orny: Almaty qalasy, Jeltoqsan kóshesi, 181, Intercontinental Almaty qonaq úıi.