Osy jylǵy 10 aıda úshinshi eldermen taýar aınalymy 43,6%-ǵa ósti
Jyl basynan beri memlekettik búdjetke salyq túsimderi boıynsha jospar 103,4% oryndaldy, dep habarlaıdy Almaty-akshamy.kz.
Memlekettik kirister komıtetiniń málimetinshe, jospar 11 316,8 mlrd teńgege belgilenip, 382 mlrd teńgege asyra oryndaýmen 11 698,8 mlrd teńge túsken. Bul ótken jylǵy uqsas kezeńmen salystyrǵanda 1,4 ese nemese 3 400,2 mlrd teńgege óskenin kórsetedi.
«Munyń ishinde respýblıkalyq búdjet 101,1% oryndaldy, ótken jylǵy uqsas kezeńimen salystyrǵanda 1,5 ese nemese 2 518,5 mlrd teńgege ósti. Jergilikti búdjet 108,5% oryndaldy byltyrǵy uqsas kezeńmen salystyrǵanda 30,8% nemese 881,7 mlrd teńgege ósti», - dep jazdy vedomtvodan.
Túsimderdiń ósýine mynadaı faktorlar áser etti: 2022 jyly 10 aıda ótken jylǵy uqsas kezeńmen salystyrǵanda negizgi eksporttyq pozısıalarǵa, onyń ishinde munaıǵa 46,9%, myryshqa 21,9%, alúmınıge 13,9% jáne altynǵa 0,6% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 43,1%-ǵa ósti.
«Osy jylǵy 10 aıda úshinshi eldermen taýar aınalymy 43,6%-ǵa ósti (eksport 48,3%-ǵa, ımport 32,5%-ǵa ósti). Ótken jylǵy uqsas kezeńmen salystyrǵanda jyl basynan bergi ótkizý boıynsha aınalym 22 %-ǵa ulǵaıdy», - delingen habarlamada.