Esep-qısap jumystary júrgizilip jatyr.
Memleket basshysynyń saılaýaldy baǵdarlamasyndaǵy bilim salasyna qatysty mindetter júzege asyrylady, dep habarlaıdy Almaty-akshamy.kz.
Qazaqstan stýdentterdiń shákirtaqysy ósetini jaıynda Oqý-aǵartý mınıstri Asqat Aımaǵambetov áleýmettik jelidegi paraqshasynda jazdy.
Onyń aıtýynsha, 2029 jylǵa deıin stıpendıa kólemin kezeń-kezeńimen eki esege kóbeıtý josparlanyp otyr.
«Qazir tıisti esep-qısap jumystary júrgizilip jatyr», - dedi vedomstvo basshysy.
Aıta keteıik, qyrkúıek aıynan bastap stýdentterdiń stıpendıasy 20 paıyzǵa ósti. Mysaly, pedagogıka mamandaryn daıarlaý baǵyty boıynsha oqıtyn stýdentter 58 myń teńge, basqa baǵyttar boıynsha bilim alatyndar 37 myń teńgege jýyq shákirtaqy ala bastaǵan.