Almatyda alǵashqy Sıfrlyq medısına ortalyǵy ashylyp, úsh medısınalyq uıym jańartyldy

  • 22:18, 30 tamyz 2025
Almatyda alǵashqy Sıfrlyq medısına ortalyǵy ashylyp, úsh medısınalyq uıym jańartyldy Almaty ákimdigi

Almatyda Konstıtýsıa kúni qarsańynda kúrdeli jóndeýden keıin birden úsh medısınalyq uıym saltanatty ashyldy, sondaı - aq Qazaqstandaǵy alǵashqy sıfrlyq medısına Ortalyǵy - Almaty Digital Medical Center (ADMC) iske qosyldy.

İs-sharaǵa Almaty qalasy Qoǵamdyq densaýlyq saqtaý basqarmasy basshysynyń orynbasary m.a. Láılá Imanǵalıeva qatysty.

Sıfrlyq medısına ortalyǵyn Densaýlyq saqtaý basqarmasy men qalanyń Sıfrlandyrý basqarmasy birlesip qurdy. Munda zamanaýı qyzmetter jınaqtalǵan: aqparattyq - taldaý ortalyǵy, 1312 biryńǵaı baılanys ortalyǵy, telemedısınalyq patronaj, telemedısına qyzmetteri jáne jasandy ıntellektpen daýystyq kómekshiler. Bul densaýlyq saqtaý júıesin ashyq jáne yńǵaıly etedi, kútý ýaqytyn qysqartady jáne pasıentterdiń dárigerlermen baılanysyn jaqsartady.

№3 qalalyq emhana kúrdeli jóndeýden keıin tolyq jańartyldy. Injenerlik jeliler aýystyryldy, kabınetter, zaldar men kútý aımaqtary jóndeldi, alań abattandyryldy. Emhanada 500 qyzmetker jumys isteıdi, onyń ishinde 104 dáriger, olarlyń 40   qajetti mamandar.

Munda Sımýlásıalyq ortalyq ashyldy, onda dárigerler men medbıkeler shuǵyl kómek kórsetý jáne reanımasıa daǵdylaryn tegin pysyqtaıdy. Ortalyq zamanaýı trenajerlarmen jáne manekendermen jabdyqtalǵan, al qyzmetkerler Malaızıada  bilimderin jetildirdi.

2022 jyldan bastap emhanada oqýshylar arasynda sýısıdtiń aldyn alý boıynsha psıhologıalyq ortalyq jumys isteıdi. Bul eldegi jalǵyz ortalyq. Ol IýNISEF-pen birge qurylǵan jáne balalar men jasóspirimderge psıhıkalyq densaýlyqty saqtaý mádenıetin qalyptastyrýǵa kómektesedi.

Sonymen qatar, "Damumed"júıesimen baılanysty daýystyq  robot negizinde vırtýaldy asıstent engizildi. Zamanaýı zerthana da jumys isteıdi.

№18 emhananyń "Taýgúl" fılıaly 19 jylda alǵash ret jańǵyrtýdan ótti. Ǵımarat oqshaýlanyp, qasbeti, terezeleri men esikteri jańartylyp, jańa jeldetý men qazandyq ornatyldy. Aýmaq abattandyryldy. Fılıalda zamanaýı jabdyqtary bar zerthana jáne eki últradybystyq apparat paıda boldy.

№8 jedel járdem qosalqy stansasy Alataý, Áýezov jáne Naýryzbaı aýdandarynyń 200 myńǵa jýyq turǵynyna qyzmet kórsetedi. Munda 17 brıgada jáne 200-den astam qyzmetker jumys isteıdi. Jóndeýden keıin ǵımarat oqshaýlanyp, terezeler men esikter aýystyryldy, jylý men jeldetý jańartyldy, órt dabyly kúsheıtildi. Avtobokstar zamanaýı qaqpalarmen, jeldetýmen jáne energıany únemdeıtin jaryqtandyrýmen jabdyqtalǵan.

Sıfrlyq medısına ortalyǵynyń jáne jańartylǵan medısınalyq uıymdardyń ashylýy Almatynyń densaýlyq saqtaý salasyn damytý úshin mańyzdy qadam boldy. Bul jobalar medısınalyq kómektiń sapasyn jaqsartady, ony qoljetimdi etedi jáne jańa tehnologıalardy engizýge múmkindikter ashady.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:34

22:18

22:17

22:15

13:33

12:05

10:50

10:35

10:23

09:20

08:40

07:41

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07