Bul týrnırde oblystyq jarystardyń qorytyndysy boıynsha iriktelgen elimizdiń eń myqty balýandary baq synaıdy.
Olar elimizdiń 17 oblysy men Astana, Almaty jáne Shymkent qalalarynyń sportshylary, dep habarlaıdy aqshamnews.kz.
Sondaı-aq týrnırge ótken jylǵy «Qazaqstan Barysy» jeńimpazy men «Ásker Barysy» eki balýany qatysady. Týrnırdiń nátıjesi boıynsha eń myqty balýan anyqtalyp, ol 15 mıllıon teńge kólimindegi bas júldeni alady.
25 qazanda saǵat 14:00-de balýandar Astana qalasyndaǵy «Mega Silkway» kınoteatrynda otandyq rejıser Qanaǵat Mustafınniń «Qajymuqan» fılmin tamashalaıdy. Bul fılmniń túsirilimi 1,5 jylǵa sozylyp, daıyndyq jumystary 10 jylǵa jýyq ýaqyt alǵan.
Al saǵat 16:00-de «Barys Arena» aýmaǵynda balýandardyń salmaq ólsheý rásimi ótedi. BAQ ókilderi úshin arnaıy baspasóz máslıhaty uıymdastyrylady.