Almatyda Jastar saıasaty basqarmasynyń qoldaýymen kreatıv jastarǵa arnalǵan TikTok mektebi ashylady, - dep habarlaıdy aqshamnews.kz tilshisi.
Oqý baǵdarlamasy eki aıǵa josparlanǵan jáne aralas formatta ótedi: sabaqtyń jartysy onlaın, jartysy oflaın formatta uıymdastyrylady. Kýrsty TikTok salasynyń mamany, bloger, álem boıynsha jalpy aýdıtorıasy 23 mıllıonnan asa oqyrmany bar Adalıat Bakıeva júrgizedi.
Mektep qatysýshylarǵa kontent jasaýdyń qyr-syryn jáne ony damytýǵa baǵyttalǵan. Oqý barysynda jastar TikTok trendterimen, platformanyń algortımderimen, storıtellıng negizderimen, túsirilim jáne montaj ádisterimen tanysady. Sonymen qatar, jeke brend qalyptastyrý men aýdıtorıamen jumys isteý máselelerine erekshe kóńil bólinedi.
Almaty Jastar saıasaty basqarmasy aıtýynsha, bul joba jastardyń shyǵarmashylyq áleýetin arttyrýǵa jáne olardy zamanaýı sıfrlyq ındýstrıalarǵa tartýǵa arnalǵan tıimdi alań bolmaq.
Alǵashqylardyń biri bolyp tirkelgen – jas kontentmeıker Ernar Sembekov. Ol beınejazbalar túsirip júrgenimen, qaralym men jazylýshylar sanyn arttyrýda qıyndyqtarǵa tap bolyp jatyr.
"Bul mektep men úshin kontentpen durys jumys isteýdi úırenýge úlken múmkindik. Sarapshylardan aqyl-keńester alyp, óz ıdeıalarymdy sátti jobalarǵa aınaldyrýdy úırenemin dep úmittenemin", – dedi ol.
Ótinimder 6 maýsymǵa deıin qabyldanady. Tirkelý siltemesi myna jerde.