3 maýsym men 3 shilde aralyǵynda "Alma-Arasan" – termal bulaq týrısik baǵytyn jańartý jobasynyń ekinshi kezeńi aıasynda "Alma-Arasan" mańyndaǵy avtoturaqtan termal bulaqqa deıingi jol ýaqytsha jabylady. Shekteý bulaq jaǵynan "Qyzdyń kóz jasy" sarqyramasy men "Terra" alqabyna baratyn jolǵa da qatysty bolady, - dep habarlaıdy aqshamnews.kz tilshisi.
Bul sharalar kelýshiler úshin qurylys-montaj jumystarynyń qaýipsiz ári yńǵaıly oryndalýyn qamtamasyz etý maqsatynda qabyldanyp otyr. Ekinshi kezeń aıasynda eski kópir qurylymdaryn buzyp, jańasyna aýystyrý, jańa soqpaqtar, baspaldaq elementteri men kóriktendirý nysandary ornatylady.
Eske salaıyq, 2025 jylǵy 12 mamyrdan bastap aldyn ala daıyndyq jumystary júrgizilgen bolatyn. Taý bókteri qaýipti tastan tazartylyp, qorǵanysh tor ornatýǵa arnalǵan ankerlik qurylymdar qoıyldy, soqpaqtar kóriktendirýge daıyndaldy.
Jumys júrgizilip jatqan kezde, jumys kúnderi, demalys jáne mereke kúnderi de jol tolyqtaı jabyq bolady. Jóndeý jumystaryn 2025 jyly 31 shildege (aýa raıyna baılanysty merzim ózgerýi múmkin) deıin aıaqtaý josparlanǵan.
Jobanyń maqsaty – qazirgi zaman talabyna saı qaýipsiz, yńǵaıly jáne ekologıalyq turaqty týrısik baǵyt qalyptastyrý.
Almaty qalasynyń turǵyny men qonaǵynan "Alma-Arasan" aýmaǵynda serýendeý men ekskýrsıany josparlaý kezinde engizilgen ýaqytsha shekteýlerdi eskerýdi suraımyz. Jóndeý jumystarynyń barysy týraly sońǵy aqparat resmı aqparattyq resýrstarda turaqty túrde jarıalanyp otyrady.