Almatylyq azamat birneshe ret velosıped urlady degen kúdikke ilindi.
Almaly aýdandyq polısıa basqarmasynyń aldyn ala málimeti boıynsha, E. esimdi 28 jastaǵy azamat bótenniń velosıpedin 4 ret urlaǵanyn moıyndady. Belgili bolǵandaı, ol urlanǵan zattardy qalanyń bazarlarynda satqan, dep habarlaıdy Almaty-akshamy.kz.
Onyń ústine bul epızodtardyń barlyǵy qaladaǵy beınebaqylaý júıelerine túsip qalǵan.
«Urlyqtyń basym bóligi kóshelerde, saýda ortalyqtarynyń mańynda jasalǵan. Boljam boıynsha, kúdikti ıesin “kútip” turǵan eki dońǵalaqty kólikti qarap, oǵan jaqyndap, bekitýdi sheship, velosıpedti alyp ketken. Sosyn urlanǵan velosıpedterdi arzan baǵada satqan. Bir qyzyǵy, qaskóı qylmysty bir kıimmen jasap, sol kıimmen ustalǵan. Qazirgi ýaqytta ol ýaqytsha ustaý ızolátoryna qamaldy. Ustalǵan azamattyń qala aýmaǵynda jasalǵan basqa da qylmystarǵa qatysy bar-joǵyn anyqtaý jumystary júrgizilip jatyr», – dedi Almaly aýdandyq polısıa basqarmasynyń bastyǵy Esen Ysqaqov.