13 jeltoqsanda Almatyda qalanyń áleýmettik qyzmetiniń qurylǵanyna 85 jyl tolýyna oraı «Júrekten júrekke» atty alǵashqy áleýmettik forým ótti, dep habarlaıdy Almaty-akshamy.kz.
«Qoǵam – bıznes – memleket» arasyndaǵy ózara qarym-qatynas júıesin jańǵyrtýǵa baǵyttalǵan forýmdy QR Eńbek jáne halyqty áleýmettik qorǵaý mınıstrliginiń qoldaýymen Almaty ákimdigi uıymdastyrdy. Forým jumysyna barlyǵy 300-den astam adam qatysty.
Áleýmettik salanyń jetekshi halyqaralyq jáne qazaqstandyq sarapshylary, qoǵamdyq pikir kóshbasshylary, úkimettik emes uıymdar men memlekettik organdardyń ókilderi ótkir áleýmettik máselelerdi sheshýge, sondaı-aq áleýmettik qyzmetkerlerdiń qoǵamdaǵy rólin nyǵaıtýǵa baǵyttalǵan tabysty jobalardyń keısterimen bólisti.
- Áleýmettik mańyzdy máselelerdi sheshýdegi eń úlken nátıjege «altyn úshburysh» dep atalatyn tıimdi ózara árekettesý arqyly jetýge bolady, munda áleýmettik turaqtylyq qoǵamnyń, memleket pen bıznestiń birlesken ári tıimdi kúsh-jigerimen qamtamasyz etiledi. Sondyqtan forým barysynda ÚEU ókilderimen, kásipkerlermen, áleýmettik qyzmetkerlermen birge áleýmettik máselelerdi sheshýde zamanaýı tásilderdi izdeý boıynsha kúsh-jigerimizdi shoǵyrlandyrýǵa yqpal etetin sheshimder tabýǵa umtyldyq, – dep atap ótti Almaty qalasy ákiminiń orynbasary Á.Núsipova.
Forým barysynda áleýmettik baǵdarlamalardyń damý úrdisteri men perspektıvalary, múmkindigi shekteýli jandar men halyqtyń áleýmettik osal toptaryna qatysty eńbek zańnamasynyń negizderi, qoǵamdyq uıymdardyń iske asyrylǵan áleýmettik jobalary negizinde qoǵamnyń, memleket pen bıznestiń ózara is-qımyly talqylandy
Forýmda aıtylǵan úzdik usynystar tájirıbede qoldanylatyn bolady. Osylaısha, múgedektiktiń aldyn alý jáne aldyn ala eskertý maqsatynda kelesi jyldan bastap «Erte aralasý ortalyǵy» pılottyq jobasy aıasynda synaqtan ótken jumys kúsheıtiledi. Osy ortalyqtyń bazasynda erte aralasýdyń ǵylymı, oqý-ádistemelik ortalyǵy ashylady, onda serebraldy sal aýrýynyń ártúrli nysandary bar balalardy emdeýdiń biryńǵaı hattamasyn ázirleý jáne ony engizý josparlanyp otyr, bul tutastaı alǵanda sapaly ońaltý jáne múgedek balalardy ońaltý kórsetkishterin jaqsartýǵa múmkindik beredi.
Sonymen qatar, múmkindigi shekteýli jandar úshin qalalyq ınfraqurylymnyń qoljetimdiligin qamtamasyz etý,olardy qoǵamǵa tartý úshin kelesi jyldan bastap «Ten Qogam» múgedekterdi áleýmettik qoldaý ortalyǵynyń qyzmetin qalanyń árbir aýdanynda ashý arqyly aýqymyn keńeıtý josparlanýda. Áleýmettik ınfraqurylym obektileriniń qoljetimdiligin monıtorıńteý jónindegi qyzmetpen birge ortalyqtar jumysynyń fýnksıonalyn odan ári keńeıtý jáne aıtylǵan eskertýdi joıýǵa usynymdar engizý qosymsha josparlanýda.
Forýmǵa qatysýshylar áleýmettik baǵdarlamalardyń damý úrdisteri men perspektıvalaryn, múmkindigi shekteýli jandar men halyqtyń áleýmettik osal toptaryna qatysty eńbek zańnamasynyń negizderin, qoǵamdyq uıymdardyń iske asyrylǵan áleýmettik jobalary boıynsha qoǵamnyń, memleket pen bıznestiń ózara is-qımylyn jáne basqa da mańyzdy máselelerdi talqylady.