«Bolashaq» boıynsha memleket stýdentterge oqý, eki baǵytqa ushý, medısınalyq saqtandyrý, vızalyq alymdar men oqý materıaldarynyń shyǵyndaryn óteıdi.
«Bolashaq» baǵdarlamasy úzdik sheteldik joǵary oqý oryndarda akademıalyq oqýǵa arnalǵan jeńildik sanattarynyń tizimin keńeıtip otyr. 2023 jyldan bastap ınjenerlik-tehnıkalyq qyzmetkerler men medısınalyq mamandar jeńildetilgen sharttarmen «Bolashaq» halyqaralyq stıpendıasynyń konkýrstyq irikteýine qatysa alady, dep habarlaıdy Almaty-akshamy.kz Elorda.info saıtyna silteme jasap.
«Memleket basshysynyń tapsyrmasy boıynsha ınjenerlik-tehnıkalyq kadrlardy daıarlaýǵa basymdyq beriledi. Úmitkerlerdi qoldaý úshin «Injenerlik-tehnıkalyq qyzmetkerler» jańa jeńildik sanaty engizildi. Sonymen qatar bizdiń bastamamyzben medısınalyq qyzmetkerlerdi irikteý qaǵıdalary jetildirildi. Atalǵan ózgertýlerdiń arqasynda qazaqstandyq dárigerler men tehnıkalyq qyzmetkerler merzimi 12 aıǵa deıingi tegin tildik daıyndyqtan óte alady», - dep atap ótti «Halyqaralyq baǵdarlamalar ortalyǵy» AQ Basqarma tóraǵasy Ánýar Janǵozın.
Sonymen birge jeńildigi bar úmitkerler qujat tapsyrǵan kezde sheteldik JOO-ǵa óz betimen túsýge mindetti emes. Olardyń stıpendıa taǵaıyndalǵannan keıin baǵdarlama aıasynda bilim alýǵa usynylatyn ýnıversıtetter tiziminen oqý ornyn tańdaýǵa múmkindigi bar.
Esterińizge sala keteıik, «Bolashaq» stıpendıasyn taǵaıyndaý konkýrsyna jeńildigi bar kandıdattardy qospaǵanda, úzdik sheteldik JOO-lardan shaqyrýy bar úmitkerler ǵana qatysady.
«Bolashaq» stıpendıasyn taǵaıyndaý konkýrsyna jeńildikpen qatysý úshin úmitker dıplomynyń ortasha baly – GPA keminde 4.0-ten 3.0 bolý tıis. Sondaı-aq keminde V1 deńgeıdegi memlekettik tilden KAZTEST sertıfıkaty jáne shet tilin meńgerýdiń ortasha deńgeıin rastaıtyn qujat talap etiledi. Máselen, aǵylshyn tilinde oqyǵan jaǵdaıda, keminde 9.0-dan 5.0 deńgeıdegi IELTS sertıfıkatyn, qytaı tilinde – keminde 6-dan 3 deńgeıdegi HSK, nemis tilinde - S1-den B1-B2 deńgeıdegi Goethe-Zertifikat jáne t.b. usyný qajet.
Aıta keteıik, «Bolashaq» baǵdarlamasynyń sharttary boıynsha memleket stýdentterge oqý, eki jaqqa ushý, medısınalyq saqtandyrý, vızalyq alymdar men oqý materıaldaryna shyǵyndardy óteıdi. Oǵan qosa aı saıyn stıpendıa tólenedi.