Almaty qalasynda áleýmettik mańyzy bar azyq-túlik taýarlarynyń (ÁMAT) baǵalaryn turaqtandyrý baǵytynda mańyzdy sharalar qolǵa alyndy. "Almaty" Áleýmettik-Kásipkerlik Korporasıasy (ÁKK) men "Magnum Cash&Carry" JSHS arasynda ÁMAT-tyń 13 pozısıasyn satyp alýǵa qatysty qaryz sharty jasaldy, dep habarlaıdy almaty-akshamy.kz
Jasalǵan kelisimshartqa sáıkes, jalpy kólemi 2547,7 tonnany quraıtyn ónimder taýar óndirýshilerden satyp alynyp, "Magným" saýda jelisi arqyly 10%-dan aspaıtyn saýda ústemesimen tómendetilgen baǵamen satylatyn bolady. Baǵalardy turaqtandyrý sharalary 2024 jylǵy 1 maýsym men 1 qyrkúıek aralyǵynda júzege asyrylady.
Baǵalary turaqtandyrylǵan ÁMAT tizimine kelesiler kiredi:
- Qaraqumyq: sóredegi shekti baǵa – 295 teńge
- Tútik kespe: 299 teńge
- Kúrish: 489 teńge
- Kúnbaǵys maıy: 529 teńge
- Sary maı: salmaǵy boıynsha – 2860 teńge, 180 gram – 620 teńge
- Aıran: 439 teńge
- Sút: 389 teńge
- Súzbe: 451 teńge
- Taýyq eti: aıaqtary – 1459 teńge, jambas – 1259 teńge
- Sıyr eti: 2669 teńge
- Un: 295 teńge
- Nan: 80 teńge
- Tuz: 74 teńge
Bul bastama Almaty turǵyndaryna áleýmettik mańyzy bar azyq-túlik taýarlaryn qoljetimdi baǵamen usynýǵa baǵyttalǵan. Baǵalardy turaqtandyrý ekonomıkalyq turaqtylyqty qamtamasyz etip qana qoımaı, sonymen qatar, turǵyndardyń áleýmettik jaǵdaıyn jaqsartýǵa da yqpal etedi.
*Qosymsha aqparat alý úshin* "Almaty" ÁKK nemese "Magnum Cash&Carry" JSHS-men baılanysýǵa bolady.