Jazǵy aptap ystyq densaýlyqqa, ásirese belgili bir toptaǵy adamdar úshin qaýipti bolýy múmkin deıdi 36-emhananyń jalpy tájirıbelik dárigeri Aıtolqyn Tursynbek.
Mamannyń aıtýynsha, táýekel tobyna egde jastaǵy adamdar kiredi, óıtkeni jas qosylǵan saıyn deneniń termoregýlásıa qabileti tómendeıdi, bul egde jastaǵy adamdardy ystyqqa osal etedi. Olarda júrek-qantamyr jáne tynys alý júıesi sıaqty sozylmaly aýrýlar bolýy yqtımal. Bul aýrýlar joǵary temperatýra kezinde asqynýy múmkin.
Balalar men sábıler de qaýip tobyna kiredi. Dáriger atap ótkendeı, balalarda termoregýlásıa mehanızmi áli tolyq damymaǵan, bul olardy temperatýranyń ózgerýine sezimtal etedi. Náresteler ásirese sýsyzdaný jáne ystyq soǵý qaýpine jıi ushyraıdy.
Bul sanatqa sozylmaly aýrýlary bar adamdar da kiredi. Máselen, júrek-qan tamyrlary aýrýlary, qant dıabeti, tynys alý organdarynyń aýrýlary jáne basqa da sozylmaly aýrýlary bar naýqastar ystyq aýa raıynda asqyný qaýpine kóbirek ushyraıdy.
- Joǵary temperatýra sımptomdardy, jalpy densaýlyqty nasharlatýy múmkin.
Sondaı-aq júkti áıelderde sýsyzdaný jáne stress qaýpi joǵary bolady. - Jylý ana men náreste úshin sharshaý, isiný jáne basqa da asqynýǵa ákelýi múmkin.
Maman syrttaǵy joǵary temperatýra kezinde saqtalýy kerek usynystardy bólisti.
"Sýdy jetkilikti mólsherde ishý kerek, bul sýsyzdanýdy boldyrmaıdy. Dene belsendiligin, ásirese óte ystyq kezde (ádette 11:00-den 16:00-ge deıin) shekteý kerek. Jeńil, bos kıim kıgen durys. Qyzyp ketýdi boldyrmaý úshin maqta nemese zyǵyr sıaqty tabıǵı matadan jasalǵan kıim kıińiz. Terińizdi zıandy últrakúlgin sáýlelerden qorǵaý úshin qalpaq, kúnnen qorǵaıtyn kózildirik jáne joǵary SPF krem jaǵyńyz», - dep keńes beredi Aıtolqyn TURSYNBEK.
Osy qarapaıym nusqaýlardy oryndaý ystyq soǵý jáne jylýmen baılanysty basqa da asqynýdy boldyrmaýǵa kómektesedi.