2024 jylǵy birinshi toqsan qorytyndysy boıynsha Qyzylorda oblysynda nebári 843,4 myń adam qalǵan.
Qalalyqtar – 396,3 myń (47%), aýyldyqtar – 447,1 myń adam (53%).
Oblystan jurt jappaı ketip jatqanǵa uqsaıdy jáne atalǵan úrdis sońǵy jyldary beleń alǵan, dep habarlaıdy Almaty-akshamy.kz.
«Qyzylorda oblysynda kóshi-qonnyń teris aıyrmasy qalyptasty: 2024 jylǵy qańtar-naýryz aılarynda óńirden qonys aýdarǵandar sany kóship kelgenderden 2 216 adamǵa asyp tústi, 2023 jylǵy qańtar-naýryzda bul kórsetkish 924 adamdy quraǵan edi», dep habarlady Ulttyq statısıkalyq búro.
2024 jylǵy qańtar-naýryzda oblysta 4 772 sábı ǵana dúnıe esigin ashqan, sóıtip 2023 jylǵy qańtar-naýryzdaǵydan 2,2% kemidi.
Qyzylordalyqtardyń ólim-jitimi kóbeıgen. Bıyl úsh aıda qaıtys bolǵandar sany 1 102 adamdy quraǵan jáne 2023 jylǵy qańtar-naýryzdaǵydan 1,4%-ǵa kóp.