Kináli dep tanyldy.
Almatyda áleýmettik ál-aýqat basqarmasynyń bas mamany - eńbek qaýipsizdigin baqylaý bóliminiń memlekettik eńbek ınspektory paramen ustaldy, dep habarlady Almaty-akshamy.kz QazAqparatqa silteme jasap.
Aǵymdaǵy jyldyń 7 sáýirinde Almaty qalasy Medeý aýdandyq №2 sotynyń úkimimen Almaty qalasy boıynsha áleýmettik ál-aýqat basqarmasynyń bas mamany - eńbek qaýipsizdigin baqylaý bóliminiń memlekettik eńbek ınspektory A.Q.Qaparov QR QK 366-babynyń 3-bóligi 4-tarmaǵynda kózdelgen qylmysty jasaǵany úshin kináli dep tanyldy.
«A.Q.Qaparov oqý ortalyqtarynyń ókilderinen qaýipsizdik jáne eńbekti qorǵaý boıynsha kýrstan ótkeni týraly sertıfıkattarǵa birneshe ret qol qoıǵany úshin 150 000 teńgege deıin para alǵan. Oǵan memlekettik qyzmette, jergilikti ózin-ózi basqarý organdarynda, memlekettik uıymdarda jáne kvazımemlekettik sektor sýbektilerinde laýazymdardy atqarý quqyǵynan ómir boıyna aıyra otyryp, 1 819 740 teńge mólsherinde aıyppul salyndy. Úkim zańdy kúshine engen joq», - delinedi QR Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń habarlamasynda.