Jaǵdaıy jaqsy.
«Qazgıdromettiń» mamandary ońtústik óńirdiń aýa-raıy kúzdik bıdaıǵa qolaıly bolyp otyrǵanyn aıtty, dep habarlaıdy Almaty-akshamy.kz Eldala.kz silteme jasap.
Qazaqstannyń ońtústiginde oń aýa temperatýrasy men jaýyn-shashyn jaǵdaıynda kúzdik bıdaıdyń, kópjyldyq shópterdiń belsendi ósip-ónýi jáne jemis daqyldarynyń butaqtarynda búrshikterdiń bórtýi jalǵasýda. Almaty jáne Jambyl oblystaryndaǵy baqylaý ýchaskelerinde kúzdik bıdaıdyń jaı-kúıi jaqsy, «kókteý» damý kezeńi – «túpteý». Bul týraly «Qazgıdromettiń» agrometeorologıalyq sholýynda aıtylǵan.
Sınoptıkterdiń málimetinshe, Batys Qazaqstan oblysynda kúzdik dándi daqyldardy ósirý aýdandarynda qysty aıaqtaý úshin meteorologıalyq jaǵdaılar qolaıly boldy.
Jambyl oblysynyń baqylaý ýchaskelerinde topyraqty aldyn ala óńdeýden keıin barlyq jerde jazdyq arpa egýge kiristi. Erte shyǵatyn arpa daqyldarynda «kókteý – «3-shi japyraq» damý kezeńi baıqalady, ósimdikterdiń jaǵdaıy jaqsy jáne keremet.
Almaty, Jambyl jáne Túrkistan oblystarynda jońyshqa, esparset jáne bede shópteriniń jaı-kúıi jaqsy jáne qanaǵattanarlyq, «sabaǵynyń ósýi» damý fazasy. Túrkistan oblysynyń Ordabasy aýdanynda (Býgýn agrobeketi) jońyshqa shópterin vegetasıalyq sýarýǵa kiristi.
Sonymen qatar, Almaty jáne Túrkistan oblystarynda jemis daqyldary bar baqtarda alma men shıe butaqtarynda búrshikterdiń bórtýi baıqalady, jaǵdaıy jaqsy.