Álemniń eń myqty neırohırýrgtary qazaqstandyq dárigerlermen tájirıbe almasady
16-18 jeltoqsanda Almatydaǵy «Ortalyq klınıkalyq aýrýhanada» VII halyqaralyq dıskýssıalyq neırokýrs ótedi. Úsh kúndik is-sharaǵa Germanıa, Izraıl, Reseı jáne Qazaqstannyń túkpir-túkpirinen úzdik neırohırýrgter, nevropatologtar jáne basqa da mamandar jınalady, dep habarlaıdy Almaty-akshamy.kz.
Jyl saıyn uıymdastyrylatyn halyqaralyq dıskýssıalyq neırokýrstyń basty maqsaty – elimizdiń densaýlyq saqtaý júıesin damytý jáne otandyq medısınaǵa ozyq tájirıbeni engizý.
Tájirıbe almasa otyryp, spıkerler «Ortalyq klınıkalyq aýrýhana» AQ jáne «Private Clinic Almaty» bazasynda julyn men mıǵa ota jasap, klınıkalyq jaǵdaılardy taldaıdy, emdeý jáne ońaltý máselelerin talqylaıdy.
Neırokýrs onlaın jáne oflaın formatta ótedi. Otalardy tikeleı efırde álemniń myńdaǵan dárigeri tamashalaıdy.