Almatyda 9–23 tamyz aralyǵynda Aldar Kóse kóshesiniń Jamaqaev pen Jýkov kósheleriniń arasyndaǵy bóliginde kólik qozǵalysy ishinara shekteledi. Bul týraly qalalyq Energetıka jáne sýmen jabdyqtaý basqarmasy habarlady.
Ýaqytsha shekteý Generaldyq konsýldyq aýmaǵynan (Ál-Farabı dańǵyly, 36/14) sorǵy stansıasyn kóshirý jobasy aıasynda jańa sý qubyry jelilerin tartýǵa baılanysty engizilip otyr.
Joba aıasynda uzyndyǵy 4 shaqyrym magıstraldy sý jelisi salynyp, Medeý aýdany turǵyndaryn turaqty aýyzsýmen qamtý kózdelgen.
Qala turǵyndarynyń qolaılyǵy úshin aınalma joldar uıymdastyryldy:
• batys baǵyttan – Jýkov kóshesimen,
• ońtústikten – Káribjanov kóshesimen,
• shyǵystan – Jamaqaev kóshesimen.
Marshrýt kezinde ýaqytsha shekteýdi eskerýdi suraımyz. Ýaqytsha qolaısyzdyq úshin keshirim suraımyz.
Aıta keteıik, kólik qozǵalysy shekteýine qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalardyń áleýmettik jelilerinde, sondaı-aq «2GIS» pen «Iandeks kartalar» servısterinde jarıalanǵan.