Qurylysshy kúni qarsańynda Premer-mınıstr Oljas Bektenov Memleket basshysy Qasym-Jomart Toqaevtyń atynan qurylys salasynyń úzdik mamandary men ardagerlerin quttyqtap, memlekettik nagradalar tabys etti.
Bıyl alǵash ret «Qazaqstannyń eńbek sińirgen qurylysshysy» qurmetti ataǵy resmı marapattar júıesine engizildi.
Premer-mınıstr óz sózinde Memleket basshysynyń Jumysshy mamandyqtary jylyn jarıalaý arqyly eńbek adamynyń bedelin arttyrýǵa erekshe mán berip otyrǵanyn atap ótti. Qurylys salasy JİÓ-niń 6%-yn quraıdy. 2024 jyly 19 mln sharshy metr turǵyn úı paıdalanýǵa berilip, salada rekordtyq kórsetkish tirkeldi.
Bıyldyń alǵashqy jartyjyldyǵynda 120-dan astam mektep pen balabaqsha, 30-ǵa jýyq densaýlyq saqtaý nysany salyndy. Qurylys jumystarynyń kólemi 18%-ǵa ósken. Sonymen qatar jańa qurylys kodeksi ázirlenip, salany sıfrlandyrý men kadrlyq áleýetti arttyrýǵa baǵyttalǵan.
Marapat alǵandar Memleket basshysyna kásibı eńbekterine kórsetken joǵary baǵasy úshin alǵys bildirdi.