Búgin QR Ulttyq kitaphanasynyń N.Dáýletova atyndaǵy zalynda tarıhshy ǵalym Tuńǵyshbek Baıqulov pen belgili baspager Erlan Satybaldıevtiń qurastyrýymen Alash qaıratkeri, ulaǵatty ustaz, ǵalym Mustafa Buralqıev jaıynda jazylǵan «Tarazdyń tarlandary – Alashtyń ardaqtysy» atty kitaptyń tusaýkeseri rásimi ótti, dep habarlaıdy Almaty-akshamy.kz.
Sharada belgili ǵalym, óner zertteýshi Saǵatbek Medeýbekuly moderatorlyq etti.
Sondaı-aq lenta qıý rásimine Ábdıev Jumabek, Tuńǵyshbek Baıqulov, Erlan Ábenuly, Saǵatbek Medeýbekuly, Aıjamal Qudaıbergenova qatysty.
Jıyn barysynda tarıh ǵylymdarynyń doktory, profesor Aıjamal Qudaıbergenova, Buralqy bolystyń urpaǵy, zeınetker Ábdıev Jumabek, tarıhshy, Sh. Ýálıhanov atyndaǵy Tarıh jáne etnologıa ınstıtýtynyń ǵylymı qyzmetkeri, Álem halyqtary Jazýshylary odaǵynyń múshesi, ólketanýshy Tuńǵyshbek Baıqulov, baspager, «Mektep» baspasynyń bas dırektory Satybaldıev Erlan Ábenuly, ǵalym, fılılogıa ǵylymdarynyń kandıdaty, jetekshi redaktor Jibek Dosbaı Alash qaıratkeri jaıly sóz qozǵady.
⠀